Zanin khan Old Trafford-ah David Beckham UNICEF match neih a ni a, Great Britain & Ireland XI leh Rest of the World an inkhel a, Great Britain & Ireland XI hian 3-1 in hnehna an chang a ni.
GB & Ireland hi Sir Alex Ferguson-a coach-na hnuaiah an khel a, Rest of the World manager chu Carlo Ancelotti a ni a. Michael Owen chuan GB & Ireland tan goal hnih a khung a, Rest of the World tan Yorke chuan goal khat a khung bawk a ni.
Rest of the World : Edwin van der Sar, Cafu, Micael Silvestre, Fernando Couto, Park Ji Sung, Luis Figo, Robert Pires, Clarence Seedorf, Ronaldinho, Ole Gunnar Solskjaer, Patrick Kluivert
subs : Yorke, Hierro, Donovan
GB & Ireland : David James, Phil Neville, Jamie Carragher, John Terry, Ashley Cole, David Beckham, Nicky Butt, Paul Scholes, Darren Fletcher, Ryan Giggs, Peter Crouch.
subs : McAlliste, Seaman, Campbell, Smith, Owen, B.Beckham
Theatre of Dreams -a mipui 75,381 hmaah Paul Scholes chuan goal hmahruai a khung a, mual dinglam sir atanga Beckham-a cross tha zet chu Scholes hian GB & Ireland tan a tauh goal. Hemi hnu hian Michael Owen chuan goal hnih a khung a, Rest of the World lam tan Dwight Yorke chuan goal khat a khung ve bawk a ni.
He match-ah hian Man Utd midfielder hlui, tuna United Under 21 enkawl mektu Nicky Butt chu inhliam vangin an zawn chhuak a, hun tawp dawn minute 15 la awmin captain Beckham chu a fapa Brooklyn chuan a rawn thlak a, mipui thawm a tha kher mai. Theatre of Dreams for the Match for Children chu hlawhtling takin an khel zo ta a ni.