Darlawn I-Day Football Tournament chu vawiin khan semifinal game hnih khelh a ni a, final a intum tur te an hriat ta.
Vawiin semifinal inkhel hmasa zawkah Darlawn Angel FC leh East Phaileng GSA A Team te an inkhel a, game a hmuhnawm in goal pawh a lut hnem khawp mai.
Team pahnihte hi hun pangaiah 3-3 laiin an inhnehtawk a, goal 6 lai lut mahse chak zawk an chingfel theilo a ni.
Extra khelh zui niin East Phaileng GSA A Team te hi a tang rei thei zawkah an tang ta a, extra time ah hian goal hnih thunin 5-3 in hnehna an chang a, Final an lut ta a ni.
Semifinal hnuhnung zawkah Young Lovers Darlawn leh Lungsum GSA te an inkhel veleh a, Young Lovers Darlawn hia 6-2 laiin hnehna chang mahse inkhel a hmuhnawm in an inkhel tawk hle a, Young Lovers lam hi a vanneih zawkah an tang ta a ni.
Final hi Independence Day, tun Inrinni hian khelh a ni dawn a, vawiin lamah hnehna chang East Phaileng GSA team te leh Young Lovers Darlawn ten Champion nih an inchuh dawn ta a ni.