21 Sep 2018 07:50

bakteaJr.

Mizo tlangval

​Damdawi hmangin Jones a inti chak reng em?

Kan hriat theuh angin UFC Light Heavyweight champion hlui Jon Jones chu a thisena phalloh thil hnuhma hmuh a nih avangin a light heavyweight title pawh chhuhsak a ni a, thla 15 chhung hrem a ni. Nikum atanga hrem ni tawhin kumin October thla ni 28 hian in fight leh phalsak a ni dawn.

Jon Jones hian a pha nasa hle a, mahse a thisenah phalloh thil hnuhma hmuh a ni tlat bawk si a, USADA lam hian an tisual nge Jon Jones hian dawt a sawi tih chu hriat chakawm tak a ni. A nih loh pawhin Jones hian a  hriat loh laiin, a thil ei leh inah heng phalloh thil awmna hi a lo lalut palh pawh a ni ve thei a, thudik erawh hriat a har tawh hle ang.

Jon Jones-a hmelma hlun Daniel Cormier (DC) hi kan hre vek awm a, tunah hian UFC light heavyweight leh heavyweight champion a ni kawp meka, a fight en thang chuan a tuar fei zia leh tawh nat zia kan hre tlang vek awm e. Fighter tha a ni a, Jon Jones bak hi hnehloh a la nei lo. Jones-a lakah erawh vawi hnih ngawt a tlawm tawh a, a hneh loh hrim hrim nge, Jones hi damdawi hmanga a intih chak vang tih chu zawhna lian tak a awm.

DC hi a tawh natzia leh tuar fei zia chu sawi tam ngai lovin UFC 226-ah kan hmu. UFC 226-ah hian khatih hun laia UFC heavyweight champion lai Stiper Miocic nen inbeiin, mi tam takin Miocic a chak zawk an ring. Miocic hi a palian zawk a, a hnek nat zia pawh UFC en thang chuan kan hre vek ang. DC hian rin loh tak maiin Miocic hi first round-ah a KO a, a rualin UFC light heavyweight leh UFC heavyweight champion a ni. UFC-ah hian hetianga a ruala weight class pahniha champion kawp thei hi DC tih lovah chuan Conor Mcgregor bak a la awm lo.

UFC 226-ah hian Miocic hian DC hnek fuh mahse, DC a buai lo. DC-a’n Miocic a hnek fuh ve erawhin a lian zawk hi a talbuai ti tih nghala, a pate zawkin a palian zawk a KO zui bawk. DC-a tuar fei zia leh tawh nat zia kan sawi tawh bawk a, ka sawi tuma ka lut dawn ang.

Heti tak tuar fei leh tawh na si hian engvangin nge Jon Jones a hneh theih loh tih chu zawhna a awm a. Jones-a thisena phalloh thil hmuh a ni zui bawk nen, Jones hi damdawi hmangin a intih chak vang a nih theihna chen a awm ta a ni. Jones leh DC-te hi kum 2017 July thla khan UFC 214-ah an intuma, an inbei tawk hle nain, Jones hian third round-ah DC hi a KO ta a nih kha.

He an fight-ah hian DC hian Jones hi a khawih fuh fova, DC tawh nat zia kan sawi tawha, heti chung hian chiang tak takin Jones a hmaiah hnek fuh mahse Jones hian tal buai em em a nei lo. Damdawi hmanga a intih chak vanga hetianga DC-a hnek tuar thei ni hian mi tam tak chuan an ngai a, thudik erawh kan hriat theih a rinawm tawh lova, rinthu bak sawi tur a awm lo a ni.

DC nen an intum zawhin Jones a thisen a positive leh chiah bawk nen, hmehbel tur leh chhuizawn tur a rawn awm nghal a, Jones hian a insawi angin damdawi hmang lo ni ta se, DC-a hnek kha khatiang tak khan a dawl ang em tih chu zawhna lian tak awm reng tawh tur a ni. Engtik niah emaw chuan thudik a la rawn chhuah ngei keichuan ka beisei tlata, hriat a chakawm hle bawkin ka hria.