04 Aug 2019 08:29

inkhel

Czech MotoGP-ah Marc Marquez a chak

Marc Marquez chu Pathiannia Czech MotoGP intlansiakah a chungnung ber a, premier-class bikah chuan vawi 50 a chak tling ta a, hetiang zat chak thei palina a ni.

MotoGP rider zingah hian vawi 50 aia tam chak thei mi dang pathum lo awm tawhte chu Valentino Rossi, Giacomo Agostini leh Mick Doohan te an ni a. Valentino Rossi chu chak hnem ber a la ni reng a, a pumpuiah vawi 89 ngawt chak ber a ni tawh a, Giacomo Agostini chu vawi 68 a chak tawh a, Mick Doohan chu vawi 54 a chak tawh bawk a ni.

World champion Marc Marquez hian intlansiak an tan atanga a tawp thlengin harsa lutuk loin hma a hruai tluanchhuak a ni ber a. Ruah a sur nasat avangin intlansiak hun chu minute 40 vel zetin an tan tlai phah a, Marquez chu Andrea Dovizioso leh Alex Rins te chuan hnaih ve deuh mahse pakhatna ni thei tur khawpin an um pha thei ta lo.

Honda rider Marquez hian Inrinni khan qualifying-ah pole position a chang a, Australian rider Mick Doohan chu a nihrual thei chiah a, top-class bikah pole position vawi 58 a chang tling chiah a ni.

Brno circuit-ah hian Marquez hnungah Ducati rider Andrea Dovizioso leh Pramac Ducati rider Jack Miller te chu an thleng a. Suzuki rider Alex Rins chu palina niin, Repsol Honda rider Cal Crutchlow chu pangana a ni.

Spanish rider Marquez hian MotoGP championship point 210 a hmu tawh a, amah hnaih bertu, point 147 hmutu Andrea Dovizioso aiin point 63 ngawtin a sang tawh zawk a. Brno circuit-a pariatna Danilo Petrucci chu a pumpuiah pathumna niin, point 129 a hmu tawh a ni.

Czech Republic MotoGP Result

1. Marc Marquez, Repsol Honda (RC213V)
2. Andrea Dovizioso, Mission Winnow Ducati (GP19)
3. Jack Miller, Pramac Ducati (GP19)
4. Alex Rins, Suzuki Ecstar (GSX-RR)
5. Cal Crutchlow, LCR Honda (RC213V)
6. Valentino Rossi, Monster Yamaha (YZR-M1)
7. Fabio Quartararo, Petronas Yamaha (YZR-M1)
8. Danilo Petrucci, Mission Winnow Ducati (GP19)
9. Takaaki Nakagami, LCR Honda (RC213V)
10. Maverick Viñales, Monster Yamaha (YZR-M1)
11. Pol Espargaro, Red Bull KTM Factory (RC16)
12. Francesco Bagnaia, Pramac Ducati (GP18)
13. Miguel Oliveira, Red Bull KTM Tech3 (RC16)
14. Johann Zarco, Red Bull KTM Factory (RC16)
15. Stefan Bradl, Repsol Honda (RC213V)
16. Tito Rabat, Reale Avintia Ducati (GP18)
17. Andrea Iannone, Factory Aprilia Gresini (RS-GP)
18. Aleix Espargaro, Factory Aprilia Gresini (RS-GP)
19. Karel Abraham, Reale Avintia Ducati (GP18)
20. Sylvain Guintoli, Suzuki Ecstar (GSX-RR)
--. Hafizh Syahrin, Red Bull KTM Tech3 (RC16)
--. Franco Morbidelli, Petronas Yamaha (YZR-M1)
--. Joan Mir, Suzuki Ecstar (GSX-RR)

Fastest Practice Time:
Fabio Quartararo FRA Yamaha 1m 55.802s (FP2)

Official Brno MotoGP records:
Best lap: Marc Marquez SPA Honda1m 54.596s (2016)
Fastest race lap: Dani Pedrosa SPA Honda1m 56.027s (2014)