05 Aug 2020 04:35

bakteaJr.

Mizo tlangval

​Czech GP-ah Marquez a tel thei dawn lo

Tun Sunday lo awm tura neih tur Czech Republic Grand Prix-ah MotoGP world champion ni lai Marc Marquez chu a inlan thei dawn lo.

July ni 19-a Jerez-a an intlansiaknaah Marquez hian a ban dinglam ruh a titlliaka, zai nghal niin, tlan thei leh nghal mai mahse, zai nawn a ni a, Czech GP-ah hian a inlan theih loh phah dawn ta a ni.

Kum 27 mi Repsol Honda rider hi a ban ruh tliah tirh khan sawi angin zai nghal a ni a, a banah thir phum niin, he an thir phum hi a fel tawk loh avangin zai leh a ngaih phah.

Honda hian Thawhlehni khan Czech GP-a Marquez a tlan theih loh tur thu hi an puanga, test rider Stefan Bradl chuan Marquez-a ai hi a awh dawn a ni.

A tira Marquez-a bana thir phum hi lakchhuah niin, a dang tha zawk thlak a nih thu a zai tu daktawr Xavier Mir chuan a sawi a, Marquez hi tun Sunday-ah awl dawn mahse ni 16-a neih tur Austrian Grand Prix-ah erawh a tlan leh theih tawh ngei a rinawm.

French mi Yamaha rider Fabio Quartararo chu tun season-a race pahnih tlan tawh ah te a la chak ve ve a, driver standing lamah hma hruaiin point 50 a nei tawha, Marquez hian point a la nei ve lo thung a ni.