Tourism Department leh Mizoram Cycling Association (MiCA) tangkawp chuan February ni 22, Inrinni zing khan Faina beihpui thlakin Aizawlah Cycle Rally an buatsaih a, zing dar 7:00-ah Sikulpuikawn atanga tlan tanin Zemabawk thleng an tlan a ni. He hunah hian cyclist 50 chuang an tel a ni. 

Sikulpuikawnah Tourism Director Pu V Lalengmawia chuan flag off in an department in khualzin te hip nana kawng hrang hranga hma an lak thu a sawi a. Mizoram in khuanu duan sa, ram nuam leh mawi tak tak kan neihte fai leh thianghlim taka kan enkawl a tul a ni tih a sawi.

Tukin vek khan Aizawl ah Mizoram Cycling Association chuan National Tobacco Control Programme te nena tangkawpin Tobacco Free Rally an buatsaih a, Pi Rebecca Lalruatfeli Hnamte, Psychologist, National Tobacco Control Programme chuan vaihlo in hriselna a khawih pawi theihzia leh vaihlo khuahkhirhna dan te a sawi a. Mizote chu hrisel taka kan awm theihnan ruihhlo hrang hrang laka kan inthiar fimhlim a pawimawh zia a sawi bawk.