CT Group Cup Inter Branch YMA Tournament Round of 32 chu May ni 9, 2015 (Inrinni) khan AR Lammualah khelh zawh a ni ta a. Round of 32 ni hnuhnung berah hian Bawngkawn leh Chanmari West ten an khingpui ve ve hnehin Round of 16-ah an inhlangkai ta a ni.

May ni 9, 2015 -a inkhel hi a hmuhnawm dun hle a. Inkhel hmasa zawkah Bawngkawn chuan 3-1 in East Lungdar an hneh a. East Lungdar hian Zothanpuia hmangin 24th mins-ah goal an khung hmasa. He goal hi 27th mins-ah MS Dawngliana chuan Bawngkan tan rulin, first half tawp dawn tepah MC Malsawmzuala chuan Bawngkawn hma a hruai pui a, half time a nih chuan 2-1 in Bawngkawn chuan hma an hruai a.

Second half inkhel hmuhnawm tak kan en a. East Lungdar khel a mawi a, an si phurh rulh tumin an nawr na hle a, attacking third-ah pawh mawi tak takin ball an inpe kual a. Hetih lai hian Bawngkawnin counter attack hmanga an nawr erawh a hlauhawm thei hle. 73rd mins-ah Bawngkawn chuan penalty an hlawh chhuak hlauh mai a, he penalty hi Dawngtea chuan petin, goalkeeper vei lamah a pet a. Inkhel a zova, 3-1 in Bawngkawn chuan hnehna an chang ta a ni.

Inkhel hnuhung zawk hi a hmuhnawm kher mai. Republic hian Lalchandama goal hnih hmangin minute 40 an khelh tlin hmain si hnih faiin Chanmari West lakah hma an hruai nghal. Half time a nih chuan si hnih faiin Republic an chungnung a. Second half-ah erawh Chanmari West-in an lehthal chiang hle a, Vanlalbiaa Chhangte chuan 62nd mins-ah Chanmari West tan goal hmahruai a khung a. Bench atanga rawn lut H Lalnunzira chuan goal hnih a rawn khung chhunzawm ve nghal zat a, hun tawp dawn tak takah penalty a hlawhchhuah chu pet goal lehin, hattrick a siam a. 4-2 laiin Chanmari west hian hnehna an chang ta a ni.

Round of 16 lut kan hre chiang ta a, Zirtawpni match-a buaina chhuahna Armed Veng S leh Durtlang te chu Inrinniah an khelh bak khel leh tura tih an ni a. Mahse Durtlang an inlan tak loh avangin Armed veng S chu chak zawka puan an ni ta a ni. Heti hian : Armed Veng , Ramthar Veng, Venghlui, Tuivamit, Thingsulthliah Diakkawn , Dinthar, Bethlehem Vengthlang, Aizawl Venglai, Leitan, Lengpui, Bungtlang, Durtlang'N' , Chawnpui, Armed Veng'S', Bawngkawn leh Chanmari'W' ten Round of 16 an lut ta a ni.

11:30AM Bawngkawn 3-1 'E'Lungdar (Group-O)

( MS Dawngliana 27' 73' MC Malsawmzuala 40')

(Zothanpuia 24')

01:30PM Chanmari'W' vs Republic (Group-P)

( Vanlalbiaa chhangte 62' H Lalnunzira 79'82' 90+2')

(Lalchhandama 33'38')

-------------------------

Round of 16 Inkhel tur te:-

May ni 11,2015 Thawhtanni Inkheltur

11:30Am Armed Veng (Group-A) vs Ramthar Veng (Group-B)

01:30PM Venghlui (Group-C) vs Tuivamit (Group-D)