C.T Group Cup Inter Branch YMA Football Tournament 2015 Round of 16 chu May ni 13, 2015 Nilaini khan A.R Lammualah khelh zawh a ni ta a. Durtlang'N', Armed Veng'S leh Bawngkawn ten an khingpui hnehin Round of 16 match day hnuhnungah quarter final an lut ve ta a ni.
May ni 15, 2015 Ningani hian quarter final khelh tan nghal tur a ni a.Fixture hmasaah Inrinni zan match a awm a, kohhran inkhawm zan a nih avangin sawn a ni. Inkhel hun tur pawh tihdanglam a ni bawk. Tlai dar 4:00PM ah inkhelh hmasa tan a ni ang a, Zan dar 06:30 PM ah inkhel hnuhnung zawk khelh a ni bawk dawn a ni.
May ni 13, 2015 Nilainiah Round of 16 inkhel vawi thum awmin Inkhel hmasa ber ah, 2-1 in Durtlang North chuan an khingpui Bungtlang an hneh. Inkhelh atanga minute khatna lekah Bungtlang tan TC Malsawmtluanga chuan goal thun. First half-ah goal dang a lut lo. Second half-ah Durtlang North rawn in siam thain, 64th mins-ah Durtlang North hian penalty an hlawh chhuak hlauh mai. Benjamin Laltlingzova chuan penalty hi goal-ah a chantir a, Durtlang North si phurh a rul. Penalty shootout hmanga chak zawk zawn a nih mipui te chuan an ring thup tawh, chutih laiin hun tawp dawn minute 9 la awmin Lalrinmawia Durtlang North tan goal a khung hlauh mai. Durtlang North hian 2-1 in hnehna an chang ta a ni.
Inkhel vawihnihna ah Chawnpui leh Armed Veng South te inhmachhawnin, first half tawp dawn tepah Lalramnghaka chuan Chawnpui tan goal a khung a. Second half-ah Armed Veng South tan 59th mins-ah Lalrammuanpuia chuan an siphur a rul, hun tawp dawn minute 10 vel la awmin Lalnunsanga chuan Armed veng South chakna goal a khung a, anni pawh hi 2-1 in an chak ta a ni.
Match hnuhnung berah Bawngkawn chuan 5-3 laiin Chanmari West an hneh a. Bawngkawn tan an player pawimawh Chanmari FC tana I-League 2nd Division khel lo hawng an awm hlawm, hei hian nasa takin Bawngkawn chu a pui a. H Lalmuankima chuan Bawngkawn tan goal hnih a khung a, Republic ropui taka lehthal tu Chanmari West-in thil mak an ti thei tawh lo, Bawngkawn player te an tha rual a, an game pawh a fuh. Bawngkawn tan F Lalrozama, Lalnuntluanga leh Dawngtea ten goal an khung a, Chanmari West tan Erick Zomuanpuia, Vanlalbiaa leh Laltanpuia ten goal an khung a ni.
Quarter final-a inhlangkai vengte : Armed Veng, Venghlui, Dinthar, Bethlehem Vengthlang, Lengpui, Durtlang, Armed Veng S, Bawngkawn.
May ni 13, 2015 Nilaini Round of 16 Results:
10:00AM Bungtlang 1-2 Durtlang'N'
(TC Malsawmtluanga 1') ( Benjamin Laltlingzova 64' Lalrinmawia 81')
12:00PM Chawnpui 1-2 Armed Veng'S'
( Lalramnghaka 42' ( Lalrammuanpuia 59' Lalnunsanga 79')
02:00PM Bawngkawn 5-3 Chanmari'W"
( F Lalrozama 15' H Lalmuankima 45'64' Lalnuntluanga 78' MS Dawngliana 70') ( Eric Zomuanpuia 4' Laltanpuia 66' Vanlalbiaa Chhangte 82')
-------------------------
Quarter final Fixtures:-
May ni 14, 2015 Ningani Fixtures
04:00PM Armed Veng vs Venghlui
06:30PM Dinthar vs Bethlehem Vengthlang
May ni 15, 2015 Zirtawpni Fixtures
04:00PM Lengpui vs Durtlang N
06:30PM Armed Veng 'S' vs Bawngkawn