May ni 11, 2015 khan CT Group Cup Inter Branch YMA Football Tournament Round of 16 khelh tan a ni a, Venghlui leh Armed Veng te chuan an khingpui hneh ve vein quarter final-ah an inhlangkai a, anni pahnih hi quarter final-ah an inhmachhawn dawn a ni.
Inkhel hmasa zawkah Venghlui chuan 4-2 in Tuivamit an hneh a, Venghlui hian Lalramhluna leh Lalmuanawma goal hmangin si hnih faiin first half-ah hma hruai mahse second half tan tirah Ruatthara hnawhchhuah a ni a. Hetah chiah hian Tuivamit an rawn chungnung chho. Lalramliana chuan penalty atangin Tuivamit goal hmasa a khung a.
Hemi hnu lawkah Lalramnghaka chuan Tuivamit si phurh a rul ta mai. 2-2 a ni a, dinhmun tha lo takah an ding chho dawn emaw tih laiin Venghlui hian KC Larchhuakmawia hmangin goal khat dang an khung leh a, hun tawp dawn minute 6 la awmin Venghlui hian penalty an hlawh chhuak hlauh mai a, KC Lalthanchama chuan he penalty hi goal-ah a chantir a, tichuan 4-2 in Venghlui hian hnehna an chang ta a ni.
Inkhel hnuhnung a hmuhnawm khawpmai. Armed Veng chuan si khat faiin Ramthar Veng an hneh. Goal awmchhun hi hun tawp dawn minute 2 la awma Lalfakzuala khung a ni a. Set piece atangin hnai set sawtah Lalfakzuala hian goal a khung a ni.
2004-a an champion hnuah Mizoram Football-ah thawm an nei lian chhunzawm tawh lem lo, semi final te chu thleng zauh zauh mahse Ramthar Veng hian final em an thleng ngai tawh lo. Player naupang tak tak nen CT Group Cup-ah ngelnghet takin game an khel chhova.
Armed Veng hi chungnung zawk tura rin ni mahse midfield-ah Ramthar Veng hian game an thunun ta tlat a. Ramthar Veng striker Ramropuia chuan clear chance ho takin a thelh a. Ramthar Veng defender naupang tak takte chu hmatawng neitha Armed vengin an paltlang zo lo. Mahse hun tawp dawn set piece-ah Armed Veng chuan Lalfakzuala hmangin goal an khung ta a ni.
May ni 11, 2015 Thawhtanni Round of 16 Results:-
Venghlui 4-2 Tuivamit
(Lalramhluna 24' Lalmuanawma 30' KC Larchhuakmawia 74' KC Lalthanchama 84') (Lalramliana 48' Lalramnghaka 69')
Armed Veng1-0 Ramthar Veng
(Lalfakzuala 88')
-------------------------
Round of 16 Fixtures:-
May ni 12, 2015 Thawhlehni Fixtures
10:00AM Thingsulthliah Diakkawn vs Dinthar
12:00PM Bethlehem Vengthlang vs Aizawl Venglai
02:00PM Leitan vs Lengpui
May ni 13, 2015 Nilaini Fixtures
10:00AM Bungtlang vs Durtlang'N'
12:00PM Chawnpui vs Armed Veng'S'
02:00PM Bawngkawn vs Chanmari'W"
(adsbygoogle = window.adsbygoogle || []).push({});