C.T Group Cup Inter Branch YMA Football Tournament 2015 Round of 16 chu May ni 12,2015 Thawhlehni khan A.R Lammualah khelh chhunzawm a ni a. Dinthar, Bethlehem Vengthlang leh Lengpui ten an khingpui hnehin Quarter final an inhlangkai ve leh ta.
Match hmasa berah 3-1 in Dinthar chuan an khingpui Thingsulthliah Diakkawn an hneh. Inkhel tan atang darkar chanve an khelh tlin hma hretin Laldintluanga chuan Thingsulthliah Diakkawn tan goal a thun a, Dintharin Lalkhawpuimawia hmangin an siphurh an rul leh nghal, 1-1 in first half-ah an inhneh tawk a, second half-ah Dinthar tan 75th mins-ah Samuel Laltlanthanga chuan goal thun belh lehin, hun tawp dawn minute hnih la awmin Lalkhawpuimawia chuan Dinthar goal thumna a khung a, 3-1 in an chak ta a ni.
Match hnihnaah Bethlehem Vengthlang leh Aizawl Venglai inkhelin Sithum faiin Bethlehem Vengthlang chuan hnehna an chang a, first half-ah ah Bethlehem Vengthlang tan 31st mins-ah Lalzatluanga chuan goal a thun a, second half-ah 51st mins-ah Zothanmawia chuan thun leh in, 76th mins-ah K Lalthathanga chuan goal thumna a khung leh a ni.
Inkhel hnuhnung ber ah Lengpui chuan sithum faiin Leitan an hneh. Lengpui tan 18th mins-ah Rohmingthanga chuan goal thunin first half-ah 1-0 in Lengpui hian hma an hruai a, second half-ah Leitan in team tha an nih zia lan tir mahse midfield-ah an che hlei thei lo, chance an insiam hleithei bawk si lova, Lengpuiin Rohmingthanga an chhawr tangkai hle, an chakna hnar pakhat a ni chiang mai. Hun tawp dawnah Lengpui tan Lalremsanga leh Zonunhlua ten goal thun belh lehin 3-0 laiin Lengpui hian hnehna an chang ta a ni.
May ni 11,2015 Thawhlehni Round of 16 Results:-
Thingsulthliah Diakkawn1-3 Dinthar
( Laldintluanga 28') ( Lalkhawpuimawia 34' 88' Samuel Laltlanthanga 75')
Bethlehem Vengthlang 3-0 Aizawl Venglai
Lalzatluanga 31' Zothanmawia 51' K Lalthathanga 76')
Leitan 0-3 Lengpui
( Rohmingthanga 18' Lalremsanga 75' Zonunhlua 90+2')
-------------------------
Round of 16 Fixtures:-
May ni 13, 2015 Nilaini Fixtures
10:00AM Bungtlang vs Durtlang'N'
12:00PM Chawnpui vs Armed Veng'S'
02:00PM Bawngkawn vs Chanmari'W"