Crystal Palace boss Alan Pardew chuan Club transfer record fee ni turin Belgian rawlthar goal khung thei tak Michy Batshuayi lakluh nan £15 million lai a thehchhuak phal niin The Sun chuan a tarlang tlat mai.
Pardew hian striker tha a mawmawh zia hriain January hian lak luh a tum dawn nia sawi a ni. Kum 22 a upa Belgian striker hian tun season Ligue 1-ah goal 10 lai a khung tawh a , tharum ngah tak niin a tlanchak hle bawk a ni. Premiere League club-te sum lamah an buai lo bawk si a; Batshuayi pawh hi Premier League lamah a lut lovang tih a sawi theih hauh loh. Chelsea, Newcatle United leh PSG te nen pawha sawi zawm mek a ni.
Batshuayi hian Marseille tan game 42 khel tawhin goal 19 a thun sak tawh a, D.R Congo a piang nimahse Belgian tana khelh thlangin game 2-ah goal 2 a thun tawh bawk