Manchester United player hlui Nani chuan tunlai khawvela footballer ropui pahnih zinga pakhat Cristiano Ronaldo chu an naupan deuh laia a zirtir vek a nih thu a sawia, hei hi Ronaldo pawhin a hria tih a sawi.

Nani hi a five-a-side team thlan tir a ni a, hetah hian Manchester United leh Portugal lama a lo khelhpui thin Ronaldo chu thlang telin, engkim a zirtir thin thu hi uang takin Nani hian a sawi.

Nani chuan, “Cristiano Ronaldo skills turu zia kan hre veka, a ke chet ran zia te, kan naupan deuh laia ka hnen atanga a zir vek a ni, a mah pawh hian a hre lutuk,” a ti uang.

A fight-a-side team-ah hian Nani chuan United-a a khelhpui thin pahnih dang David De Gea leh Paul Scholes te a thlang bawka, anni bakah hian Portugal-a a khelhpui thin pahnih Deco leh Bruno Alves-te a thlang tel.

Nani hian kum 2007 khan Portuguese club Sporting Lisbon atangin Old Trafford hi a pana, Old Trafford-ah hian kum 2014 thlengin awmin, kum 2009 thleng khan Ronaldo nen hian an khel dun a ni.