Ballon d'Or winner Cristiano Ronaldo chuan a hmingin Galaxy a nei ta rup mai le. European Southern Observatory-a astronomer te chuan kan awmna Galaxy (Milyway Galaxy/Thlasik kawng) atanga 12.9 billion light year chuanga hlaah Galaxy thar an hmu chhuak a, Cosmos Redshift 7 tih phuah a ni a, hemi hming an phuah chhan pakhat chu Footballer Cristiano Ronaldo (CR 7) a nih thu astronomer te chuan an sawi.

CR7 leh a hmuchhuak tute :

Cosmos Redshift 7(COSMOS Redshift 7, Galaxy Cosmos Redshift 7, Galaxy CR7 emaw CR7 ) tia koh hi European Southern Observatory-a Very Large Telescope (VLT) hmangin an chhui nasa hle a, W. M. Keck Observatory, Subaru Telescope leh the NASA/ESA Hubble Space Telescope te chuan an pui bawk a, research team-ah hian University of California, Riverside,University of Geneva, University of Leiden leh University of Lisbon te an tel.

Cristiano Ronaldo hming chawia an phuah chhan

European Southern Observatory-a astronomer hemi zir chiangtute hi University of Lisbon -a scientist David Sobral kaihruai an ni a, ani hian Portugal international Ronaldo chu chawimawh a duh avangin Ronaldo brand name CR7 changchawia phuah an nih thu a sawi nghe nghe a ni.

Cosmos Redshift 7 hi Galaxy hla tak an hmuhchhuah zinga a engber ni thin aiin a let thumin a eng a, Footballer zingah Ronaldo chu a en ber avangin David Sobral chuan CR7 hming phuah a rawt ta a ni.

Galaxy upa ber a ni thei angem ?

Kan awmna lei atanga 12.9 billion light year-a hlaa awm a ni a, Galaxy an hmuhchhuah hla ber niin an ngai a, Big Bang-in Galaxy a siam hmasak ber zing ami nia ngaih a ni a, Sextans arsi bawr khawm zingah an va hmu hlawl mai, a upat zawng hi kum 800 million vel nia ngaih a ni bawk.