25 Mar 2020 10:38

bakteaJr.

Mizo tlangval

​COVID-19 do nan Pep-a’n €1m a thawh

Manchester City manager Pep Guardiola chuan tunlai hripui darh chak em em coronavirus (COVID-19) do nan euro maktaduai khat (pound 920,000) a thawh.

Pep hi tunah hian Barcelona-a a inah a awm meka, Spain-a COVID-19 do nan hian pawisa thawh dan tur ngaihtuahin tun hnaiah khan a ukil te nen an buai hle a, tunah hian tum angin pawisa fai a thehchhuak thei ta a ni.

Pep-a sum thawh hi Medical College of Barcelona leh Angel Soler Daniel Foundation-te’n coronavirus do kawnga hma an laknaah chhun luh a nih thu hi puan a ni bawk.

Europe-a Spain hi COVID-19 tuar ber te zinga mi an ni a, tunah hian mi 40,000 vel in he hri hi kai tawhin, mi 2, 700 velin an thihpui tawh bawk.

Pep-a sum thawh hi damdawi thiam mite mamawh lei nan leh an sa himna atana an mamawh te lei nana hman tur a ni dawna, damlo te hman tur ai mahin staff te himna tur thil mamawh lei nana hman tur a ni dawn a ni.