Liverpool tan thu lawmawm lo lam hriat tur a awm leh ta. Kum 23 mi an player pawimawh Philippe Coutinho chu a hliam rin aia a nat tak avangin January ah a inkhel thei dawn ta lo.
Thawhleh zana Capital One Cup an khelh tum khan Coutinho hi zawn chhuah ngai khawpin a hliama, kha inkhel ah khan si khat faiin Stoke lakah an chak nghe nghe a nih kha.
Hliam avangin Reds boss Klopp-a hian first team player a chan nual meka, Lovren leh Toure te an inhliam ve bawk nen centre back pangngai chhawr thei lovin an awm mek bawk.
Tun thla hi Liverpool tan thla pawimawh a ni a, Premier League ah Arsenal, Man Utd leh Norwich te an hmachhawn dawna, thla tawpah Stoke chu Capital One Cup semi-final 2nd leg ah an mikhual bawk ang.