Coronavirus (COVID-19) avanga sawrkar thuchhuak bawh zuiin Mizoram Amateur Taekwondo Association (MATA) chuan hmun hrang hranga Taekwondo zirna in khar turin thuchhuah a siam. 

He thuchhuah hi March ni 17, 2020 (Thawhlehni)  khan MATA Sr.Vice President Pu VL Sawman Armed Veng Taekwondo Club an tlawhna programme-ah sawiin MATA chuan player te himna kan ngai pawimawh hmasa ber a ni tiin World Taekwondo leh India Taekwondo lam pawhin chawl rih turin thu min rawn bawk a. Sawrkar thuchhuak ngai changin MATA hmalakna kal mek, Club hrang hrang tlawh programme, Aizawl District Championship leh Mizoram Open Championship te pawh a hun sawn hlat vek a ni a ti bawk.

Armed Veng South Taekwondo Club thlawhnaah programme hi President Pu Lalngaizuala Khawlhring in a kaihruai a, Secretary Nl. Mary Laltanpuiin report pein Mizoram Olympic Association Joint Secretary leh MATA G/S ni bawk Pu Joseph Thansangan Olympic Games Zofate ten kan khelh theih dan tur zirtirna a pe a, Finance Secretary Pu C.Lalfakzuala ten fuihna thu a sawi bawk a ni.

(adsbygoogle = window.adsbygoogle || []).push({});