​Copa del Rey : Valencia leh Atletico ten Last 8 an lut

15th January 2016, 02:01PM

Nizan khan Copa del Rey Round of 16 second leg match hnih a awm a, Gary Neville chuan a team Valencia a chakpui a, Atletico Madrid pawhin si thum fain Rayo Vallecano an hneh bawk a ni.

Valencia tan hian Zahibo leh Alcácer García ten goal an khung bakah hun tawp dawn minute 6 la awmin Piatti chuan penalty atangin goal kat a khung leh bawk a, si thum faiin hnehna an chang a. 1st leg-ah si 4 faia hnehna an chan tawh avangin 7-0 (agg) laiin Valencia hi an chak ta a ni.

Atletico Madrid tan Griezmann chuan hun tawp dawn minute 10 chhungin goal hnih a khung a, Angel Correa chuan first half-ah goal hmahruai a khung. Anni pawh hian si thum faiin Rayo Vallecano an hneh a, 4-1 aggregate-in an chak ta a ni.

Valencia leh Atletico Madrid te hian Barcelona, Sevilla, Athletic Bilbao, Celta Vigo, Las Palmas leh Mirandes te hnung zuiin Copa del Rey quarter final an lut ta a ni.

Copyright © inkhel.com 2024. All rights reserved.