Michael Chandler hmachhawn turin UFC 303-ah Conor McGregor chu lo kir leh a tum, mahse inhliam avangin Conor McGregor vs Michael Chandler fight hi cancel a ni.

Kum 2021 July thlaa Dustin Poirier a hneh loh hnuin McGregor a chawl vang vang, kumin June ni 29 hian lo kir leh a tum viau a, mahse a inhliam leh ta si a ni.

UFC president Dana White chuan, McGregor a inhliam avangin fight cancel a nih thu X-ah a tarlang.

Two-weight World Champion lo ni tawh McGregor hian a fight a cancel ngai lo a, tun tum hi inhliam avanga fight cancel ngaia a awm hmasak ber a ni.

UFC 303 co-main event,  American light-heavyweights Jamahal Hill  leh New Zealand's Carlos Ulberg fight pawh, Hill a inhliam avangin cancel a ni bawk.

Alex Pereira vs Jiri Prochazka fight chu main event a nih tur thu White chuan a puang a, American Brian Ortega vs Brazil's Diego Lopes fight chu co-main event a nih tur thu White chuan a puang bawk.

Tun thlaa Las Vegas event hi UFC calendar-ah chuan event lian ber ni tura ngaih a ni a, McGregor-Chandler fight hi May ni 24 khan puan niin, minute 10 pawh a ral hmain ticket hralh zawh vek a ni.