Inrinni zan Premier League inkhelah England-a team tha zual paruk zinga pali; Manchester United, Chelsea, Manchester City leh Liverpool an inlan a, City leh Liverpool-te nuamsa taka an chak laiin United leh Chelsea erawh an chak zo lo.
Manchester United hian Southampton chu 1-1 in an inhnehtawkpuia, Chelsea-in kathar Sheffield United chu 2-2 a inhnehtawkpui bawkin, City hian Brighton chu si li faiin an hneha, Liverpool-in Burnley chu si thum faiin an hneh bawk.
SOUTHAMPTON vs MANCHESTER UNITED
Manchester United chuan Southampton an tlawha, chak zawk awmin lovin team hnihte hi 1-1 in an inhnehtawk.
United hian goal an khung hmasaa, an player thar kum 21 mi Daniel James chuan goal thunin, Southampton tan Jannik Vestergaard chuan goal khung ve bawkin second half-ah Southampton player Kevin Danso hnawhchhuah a ni.
United hian khelh liah point nga hmu tawhin pasarihnaah an awm a, Southampton hian khelh liah point li hmu tawhin 13-naah an awm ve thung.
Southampton 1-1 Manchester United
(Vestergaard 58’) (James 10’)
Red Card: Danso 73’ (Southampton)
Player Ratings
Southampton: Gunn 6, Cedric 5, Vestegaard 7, Bednarek 6, Danso 4, Hojbjerg 6, Romeu 6, Ward-Prowse 5, Boufal 5, Adams 5, Ings 6. Subs: Yoshida 6, Armstrong 5, Long 6.
Manchester United: De Gea 6, Wan-Bissaka 9, Lindelof 6, Maguire 6, Young 6, McTominay 6, Pogba 5, Pereira 5, Mata 6, James 8, Rashford 5. Subs: Lingard 5, Matic 5, Greenwood 6.
CHELSEA vs SHEFFIELD UNITED
Chelsea hian kaithar Sheffield lakah si hnih faia hma an hruai hnuin goal hnih an chhuah leha, Stamford Bridge-ah point khat bak an hlawhchhuak zo lo.
Chelsea tan hian an rawlthar Tammy Abraham chuan goal hnih a khunga, kar hmasa lawk pawh khan Abraham hian Norwich City lakah goal hnih khung tawhin Premier League game liah goal li a khung tawh. Sheffield tan hian Callum Robinson chuan goal khat a khunga, Sheffield goal hnihna hi Chelsea defender Kurt Zouma-a own-goal a ni.
Chelsea hian khelh liah point nga an hlawhchhuak tawha, tunah hian pakuanaah awm mekin, Sheffield hi Chelsea chung chiahah awmin, anni hian khelh liah point nga tho an hlawhchhuak tawh a ni.
Chelsea 2-2 Sheffield United
(Abraham 19’, 43’) (Robinson 46’, Zouma 89’OG)
Player Ratings
Chelsea: Arrizabalaga 6, Azpilicueta 7, Tomori 6, Zouma 5, Emerson 6, Jorginho 7, Kovacic 6, Pulisic 6, Mount 7, Barkley 6, Abraham 8.. subs: Willian 5, Batshuayi N/A, Gilmour N/A.
Sheffield United:Henderson 6, Basham 7, Egan 5, O’Connell 5, Baldock 7, Lundstram 6, Norwood 7, Freeman 6, Stevens 7, McBurnie 5, Robinson 7.. subs: Mousset N/A, Osborn N/A, McGoldrick 5.
MANCHESTER CITY vs BRIGHTON
Premier League champion lai Manchester City chuan Etihad Stadium-ah Brighton an lo mikhuala, City hian an mikhual an lo duat lo viaua, goal li an lo ‘khilai’ a, 4-0 in an chak.
City tan hian inkhel tan tirah Kevin De Bruyne chuan goal a khunga, Sergio Aguero chuan goal hnih khungin Bernardo Silva chuan goal khat a khung ve bawk.
City hian khelh liah point sawm hmuin pahnihnaah an awm meka, Brighton hian khelh liah point li hmu tawhin 16-naah an awm mek thung a ni.
Manchester City 4-0 Brighton
(De Bruyne 2’, Aguero 42’, 55’, Bernardo 79’)
Player Ratings
Manchester City - Ederson 5, Walker 5, Otamendi 5, Laporte 5, Zinchenko 6, Rodri 6, De Bruyne 9, Silva 8, Sterling 5, Mahrez 6, Aguero 9. Subs - Fernandinho 6, Bernardo 7, Gundogan 5.
Brighton - Ryan 6, Webster 6, Dunk 6, Burn 5, Montoya 4, Stephens 5, Propper 5, March 6, Bernardo 5, Maupay 6, Trossard 7. Subs - Murray 5, Gross 5, Connolly 5.
BURNLEY vs LIVERPOOL
Tun season-a la chak ve awmchhun Liverpool chuan Burnley an luhkhunga, Liverpool hi khual mualah tlangnelin si thum faiin hnehna an chang.
Liverpool tan hian Sadio Mane leh Roberto Firmino-te chuan goal khat ve ve an khunga, an goal hmasa ber hi Burnley striker Chris Wood-a own-goal a ni.
Liverpool hi khelh liah la chak vekin point 12 an hlawhchhuak tawha, league hmahruaitu niin Burnley hian khelh liah point li hlawhchhuak tawhin 11-naah an awm mek thung.
Burnley 0-3 Liverpool
(Wood 33’ OG, Mane 37’, Firmino 80’)
Own-Goal: Wood 33’ (Burnley)
Player Ratings
Burnley: Pope 5, Lowton 5, Tarkowski 6, Mee 5, Pieters 5, McNeil 7, Cork 5, Westwood 5, Lennon 6, Wood 5, Barnes 6.. subs: Rodriguez 6.
Liverpool: Adrian 7, Robertson 6, Van Dijk 7, Matip 6, Alexander-Arnold 7, Fabinho 7, Wijnaldum 7, Henderson 6, Mane 8, Firmino 9, Salah 7.. subs: Oxlade-Chamberlain 5, Shaqiri N/A, Origi N/A.