Nipui transfer hun a hnai tulh tulh a titi a pung chak khawp mai, Daily Star chuan Manchester City lakluh duh zingah West Brom striker Saido Berahino a langsar hle niin an tarlang.

England Under-21 striker manah City hian £20m an thehchhuak phal a, Premier League club thenkhat pawhin an iai lo.

West Brom lam chuan an striker hi chhuak lo se an duh ber a, mahse Berahino hian team lian leh intihsiakna lianthama khelh a chak niin tarlan a ni.

Manchester City manager Manuel Pellegrini chuan hlawhtling turin ramchhung player kawl tam a pawimawh thu alo sawi tawh a, West Brom hi an chhuhsak lo ang tih a sawi theihloh.

Berahino hi 2015 European Championships khel tur England Under-21 provisional squad-ah a tel a, West Brom tan hian tun season-ah goal 20 a khung tawh.

City bakah hian club lian zinga Berahino ngaihventute chu Tottenham leh Liverpool an ni a, transfer an ti ngaihnawm chho viau dawn niin a lang.

City chairman Khaldoon Al-Mubarak chuan Berahino bakah hian Raheem Sterling, Jack Wilshere leh Danny Rose-te pawh lakluh a niin tarlan a ni bawk.

Season liamta Premier League-a champion Manchester City hian in phihfai an tum a, Edin Dzeko, Samir Nasri, Yaya Toure leh Stevan Jovetic-te hralh an phal a James Milner pawhin chhuahsan a tum niin sawi a ni.

Ivorian midfielder Toure hi chu Inter vice-president Javier Zanetti-in an lalut fel lek lek tawh niin a sawi.