22 Nov 2020 01:49

bakteaJr.

Mizo tlangval

​City lakah Spurs an chungnung

Inrinni zan Premier League inkhelah North London club Tottenham chuan Tottenham Hotspur Stadium-ah Manchester City an lo mikhuala, Tottenham hian si hnih faiin hnehna an chang.

Tottenham tan hian South Korean captain Heung-min Son leh Argentine midfielder Giovani Lo Celso te chuan goal khat ve ve an khunga, Spurs hian point 3 pawimawh tak an hlawhchhuak.

Khelh kuaah Tottenham hian point 20 hlawhchhuak tawhin, pakhatnaah an chho a, City hian khelh riatah point 12 neiin, 10-naah an awm ve mek thung.

Tottenham 2-0 Manchester City

(Son 5’, Lo Celso 65’)

Player Ratings

TOTTENHAM: Lloris 5, Aurier 7, Alderweireld 8, Dier 9, Reguilon 8, Sissoko 7, Hojbjerg 7, Bergwijn 6, Ndombele 6, Son 8, Kane 9. Subs: Lo Celso 7, Moura n/a, Rodon n/a.

MANCHESTER CITY: Ederson 4, Walker 4, Dias 6, Laporte 6, Cancelo 3, Rodri 5, Bernardo 4, Torres 5, De Bruyne 5, Mahrez 4, Jesus 6. Subs: Foden n/a, Sterling n/a.

Inkhel tan tirah Tottenham hian hma an hruai nghala, Ndombele-a pass tak tak hmangin Son chuan goal a khunga, tun season-a a goal kuana khungin, Premier League-a goal khung hnem ber a ni mek.

10mins chuang hret khelh a nihin Tottenham hian goal an khung leh emaw an ti a, mahse Harry Kane-a goal khung chu offside avangin pawm theih a ni lo.

Darkar chanve khelh a nih hma hretin Riyad Mahrez-a hnen atanga a ball hmuh chu Gabriel Jesus chuan la in, Aymeric Laporte a pe a, French defender hian yard 15 vela hla atangin goal khung mahse, VAR chuan hand-ball avangin goal hi a sut a, 1-0 in first half a tawp.

Darkar khat chuang khelh a nih hnuah counter attack mawi tak atangin Tottenham hian an goal hnihna an khunga, bench atanga lut hlim Lo Celso chuan Kane-a pass tha tak hmangin goal a khunga, 2-0 in Tottenham hi an chak ta a ni.

First half-a goal an khung hnuah Spurs an bet angrenga, City hian ball chang hnemin chance insiam pawh tum viau mahse an hlauhawm hleithei lo. Second half-ah erawh City hian a hma angin ball an chang tawh lova, goal khung tum viau mahse a chhuah leh zawk bawk nen, a tawp thlengin goal an khung thei ta lo a ni.