09 Nov 2019 12:36

bakteaJr.

Mizo tlangval

​City lakah kan huaisen a ngai dawn: Klopp

Liverpool manager Jurgen Klopp chuan tun Sunday zan Premier League inkhela an khelhpui tur Manchester City lakah point khat tal pawh hlawhchhuak tur chuan an huaisen a ngai dawn tih a sawi.

Liverpool hian tunah hian point 6 in hma an hruai meka, an hnuai chiahah City an awm. Liverpool hian City hi an hneh a nih chuan point 9 laiin hma an hruai dawna, an chak loh erawh chuan an inkarah point 3 chiah a awm tawh dawn.

Tun season khuh hawnaah Liverpool leh City te hi Community Shield-ah lo intum tawhin, 1-1 in hun pangngaiah an inhnehtawka, penalty shoot-out ah City hian 5-4 in hnehna an chang.

Klopp chuan, “Inkhel pui tak a ni dawn a, team hnih tha em em te Anfield-ah; floodlights hnuaiah kan intum dawn. Kan intum hnuhnung pathumah  vawi khat chu 0-0 in home-ah kan inhnehtawka, a hnuah 2-1 in Etihad-ah min hneha, mahse goal kan khung teuh viau.

“Kan intum hnuhnun berah kan inhnehtawka, Community Shield kha niin a hnuah shoot-out ah kan tlawm zui. Inkhel hmuhnawm a nih ngei ka ringa, mahse coach-te mit atanga thlir chauhvin nge mipui tan pawh a hmuhnawm tel dawn tih erawh ka sawi thei lo.

“Khawiah mah bihruk theih a ni a, engkim kan hmachhawn a ngai a, kan nawr pup pup ringawt thei lo tih inhre mah ila Manchester City lakah hian kan huaisen a ngai a, point khat chauh pawh hlawhchhuak turin huaisen taka kan khelh a ngai dawn a ni,” a ti.