10 Feb 2019 01:15

inkhel

​City lakah inkhel thunun a harsa dawn – Sarri

Premier League inkhelah Chelsea chuan champion lai Manchester City an luhkhug dawn a, Chelsea manager Maurizio Sarri chuan City lakah inkhel thunun a harsat tur thu leh midfield a pawimawh dawn thu a sawi.

Chelsea leh City-te hi season chawhma lam khan Stamford Bridge-ah an lo inhmachhawn tawh a, Chelsea hi chakin, City hi tun season-a an tlawm hmasak berna a ni nghe nghe. City hian phuba lak an tum dawn a, Liverpool an um zel duh a nih chuan Chelsea lakah point thum an hlawhchhuah a ngai.

Sarri chuan, “Inkhel thunun a harsa em em dawn a, midfield-ah inkhelin kawngro a su ber dawn. Fernandinho dan chah sak an nih pawhin City hi an la khel thei a, keini pawh Jorginho min dan chah sakin kan la khel thei tho bawk.

“Duthlan tur kan neia, mahse keini ai chuan duhthlan tur an ngah zawkin ka hria, a chhan chu season thum lai thawk ho tawh an ni. Naples-ah kha chuan Jorginho an chan khan buaina em em kan nei ngai lova, Chelsea-ah pawh nakin lawkah chuan buaina em em kan neih loh thuai ka beisei.

“Guadiola team-te hian engtik lai mai pawh hian inkhel thunun an duh a, ball kawl renga an duh bawka, an ti thei thin reng bawk. Chuvang chuan inkhel hautak a ni dawn. Keini pawh ball kawla possession nei tam thang kan ni a, thil chu a danglam dawn hle. Kan football khelh kan tum dawn a, mahse anmahni lamin an football an khelh chuan kan tawlh hnun deuh chu a ngai ngei dawn a ni,” a ti.