Manchester City chuan an goal thun khawl Erling Haaland chu a release clause tih pun an duh avangin contract thar zawrh an tum tih chanchinbu mite chuan an tarlang.

Nikum nipui lai khan City hian Borussia Dortmund atangin kum 23 mi hi an lei chhuak a, a manah a release clause euro maktaduai 60 pe tla in, kum 5 daih contract an ziahpui. Haaland hi City-a a season hmasa berah a che tha nghal hle a, tun season-ah pawh che tha chhunzawm zelin, tun season-ah City tan competition hrang hrangah game 18 khel tawhin, goal 17 a khung tawh.

Norwegian striker hian City-ah hian release clause a nei nia ngaih a ni a, a release clause zat hi hriat ni lo mah se, a goal khung dan ngaihtuahin a sang lutuk lo nia sawi a ni. Haaland hian release clause nei mah se, a release clause hi kum 2025 June thla atangin a nung dawn chauh nia sawi a ni bawk.

City hian Haaland hi an chhuah tir dawn a nih chuan, man to taka hralh an tum niin a lang a, hei hi contract thar an zawrh chhan pawh a nih a rinawm a, contract thar an ziahpui thei a nih chuan release clause sang tak dan an tum niin chanchinbu mite chuan an ziak.

Spanish club lian pahnih Real Madrid leh Barcelona te chuan Haaland-a release clause nun hun hi an chang reng niin an sawi a, Real Madrid leh Barcelona te hian kum 2025 nipuia Haaland-a release clause an pe tla a nih chuan Haaland hian City chhuahsan a hnial a rinawm loh hle a, hei hi City hlauhthawn chhan ber ni pawhin a lang a ni.