12 Jul 2019 11:34

bakteaJr.

Mizo tlangval

​City-in Alves an ngaihven

Manchester City chuan tuna free agent ni mek Brazilian right back kum 36 mi Dani Alves chu lakluh an tum niin chanchinbu mite chuan an tarlang.

Season liamta khan Alves hi French club Paris Saint-Germain lamah a khel a, kumin June thla ral rual khan a contract zo ve in, PSG hi a chhuahsana, tunah hian club nei lovin a awm mek.

Kum 36 mi lai ni tawh mahse a la that zia chu hai rual a ni lova, tun thla lawk khan Brazil chu Copa America-ah champion puiin, Copa America Player of the Tournament lawmman hlan a la ni thei.

Manchester City hian right-back lakluh tur an zawng mek a, Kyle Walker leh Danilo-te nei mahse Danilo hi chhuah tir dan an zawng niin sawi a awm a, Walker-a inelpui tur hi an dap mek.

City hian Juventus atangin Portuguese right-back Joao Cancelo chu tun bazar hun chhungin lakluh an lo tum tawh a, mahse Juventus nen inremna na la nei lo. Cancelo hi a tlawm dawn hauh lova, City chuan man nei lo Alves-a lam hi an hawi dawn ni pawhin a ngaih theih.

City manager Pep Guardiola leh Alves-te hi an inhre tha em em a, Barcelona-ah kum li chhung ngawt an lo inhrawn tawha, trophy thahnem tak an lo chawi dun tawh nghe nghe.

Alves hian kum 2017 khan Juventus chhuahsanin PSG hi a zawm a, PSG tan hian season hnih khelin, a khel rim hle. Season liamta khan kum 36 mi hian PSG tan vawi 32 a khel a ni,