German newspaper Bild chuan Manchester City leh Wolfsburg te chu Belgian forward Kevin De Bruyne manah an inrem tawh niin a chhuaha, De Bruyne-a manah hian €80m ai tlem lo City hian an seng dawn niin a ziak bawk.
He indawrna hi a kaltluang thei a nih chuan Bruyne-a hi Belgium footballer piang tawha man to ber a ni dawn a ni.
Bild chuan City in €80m an pe phawt anga, hei ai sang hian a man pawh a la tawlh chhho thei niin a la ziak cheu.
Heng boruak a thlen tak avang hian tunkar Bundesliga match ah pawh De Bruyne hian Schalke a hmachhawn tawh hrih dawn lo tih nemnghet a ni tawh bawk.
Hetih lai hian Bruyne-a agent Patrick de Koster-a chuan thuchiang fak sawi tur a la awm lova, vawiin hian thuchiang a awm thut maithei tiin a sawi a. Tun nipui transfer a che na tak City hian he thilah hian thawm pakhat mah an la nei duh hrih lo thung a ni.
Season hmasa khan De Bruyne hi Bundesliga Player of the Season atan thlan a ni a, goal 10 thunin assist vawi 20 lawih season khat chhungin a nei hman a ni.