Novak Djokovic chuan Cincinnati Masters final-ah Roger Federer hnehin Master 1000 tournament pakuate a champion vek thei awm chhun a ni.

He tournament bikah Djokovic hian tum nga lai pahnihna dinhmun a lo luah tawh a, niminah Cincinnati Masters-a vawi sarih champion tawh Roger Federer chu final-ah 6-4, 6-4 in a hnehin a vawikhat nan Cincinnati Masters-ah a champion.

Kum 31 mi Djokovic hi vawi thum lai mai Federer lakah hian Cincinnati final-ah a lo tlawm tawh.

Djokovic chuan, “Cincinnati-ah a vawikhat nan champion nomawi nen ka ding thei a, ka tan chuan hun lawmawm tak a ni,” a ti.

Tun thla tawpah US Open khelh tan a ni leh dawn tawh a, Djokovic hian inrintawkna a neih nasat phah hle ang.

Ferderer chuan Serbian pachal chu a lawmpui thu sawiin, “Novak hi ka lawmpui em em a, tun kar mai nilo, a career chhung zawng zawnga a thawhrimna hi a fakawm a ni. Kar tha tak kan hmanga, player-te tan hahthlak deuh mahse, kan hlim a ni,”a ti.