World no 1 Novak Djokovic chuan October atanga khelh tan tur China Open atanga a inhnuhdawh thu a sawi. Djokovic hi tun hnaiah hliam neuh neuh a neih reng avanga a buai fo a, China Open-ah pawh a hmel kan hmuh thei lo ang.

Djokovic chuan China Open a khel thei lo tur chu hreawm a tih thu sawiin, "China Open ka khel thei lo tur hi hreawm ka ti khawp mai. Ka kiu hliam ala dam loh avangin hma ka sawn hma chu inkhel hrih lo tura tih ka ni.

"Ka inenkawlna ka chhunzawm anga a hma thei anga bera lo kir leh ka tum," tiin China Open a khel thei lo tur chu hreawm a tih thu a sawi.

Djokovic hian China Open-ah record a nei tha hle a, a zawnin tum li zet a champion tawh a, hneh loh nei loin game 29 zet a kaltluang tawh bawk. Chinese mipuite te'n hmuh chak hle mahse an beisei a thleng thei dawn ta lo a ni.