27 May 2015 03:46

Serchhip Chelsea

Chhuah dil se Di Maria a chhuak thei ang.

Argentine winger Angel Di Maria chuan Manchester United chhuahsan theihdan kawng khat a nei a, chu chu chhuah a dilin a ni tih thu thang a awm leh ta.

Kum 27 mi Di Maria hian nikum nipui lai khan Manchester United hi a zawm a, season tir lamah che tha mahse season chawhnu lamah a che tha zui lo va hei bakah hian a hlim lo bawk niin sawi a ni.

Tun season-a an game hnuhnung ber an khel tumin Di Maria hi substitute atangin a lut a, February thla khan Chesire-a an chhungkaw chenna rawk tum a ni bawk nen Manchester-ah hian a in bengbel thei tak tak lo.

Manchester United tan a game hmasa 10-ah goal thum khungin thiante pet goal tura siamsak vawiruk a nei nghal a, mahse hliam neiin a dam hnuah pawh a khel tha zui lo va game 22 a khelh lehnaah goal khat khungin thiante pet goal tura siamsak vawinga chiah a nei thei.