​Chhinga Veng FC-in hneh loh an tawng

27th October 2019, 02:10AM

Mizoram Premier League (MPL) Season 8 round 6 Kolasib khelmualah Chhinga Veng FC-in Mizoram Police FC hneh mahse, October ni 24, Ningani tlai khan Ar Lammualah round 7 match thumna khelh a ni a, table mawngphaha awm Chawnpui FC chuan 3-2 in Chhinga Veng FC an hneh.

Chawnpui FC hian khelh tawhah vawikhat hnehna changin vawikhat draw an nei a, point 4 neiin amawngphah an chhuah san. Chhinga Veng FC hian khelh tawhah vawithum hnehna chang tawhin vawithum draw an nei tawh a, vawikhat an chak lo tawh bawk. Point 12 neiin pathumna an ni mek.

Chhinga Veng FC hian first half-ah goal hnih an khung hnuah Chawnpui FC chuan an siphurh an sut then a, second half-ah Chawnpui FC chuan an siphurh an sut a, huntawp dawnah goal khat khung belh zuiin hnehna an chang ta a ni.He inkhelah hian Chawnpui FC chakna goal khungtu forward Vanlalthlamuana chu Man of the match-ah thlan a ni.

01:00 PM Chawnpui FC 3-2 Chhinga Veng FC

(Lalnunpuia Tlau 42', Vanlalthlamuana 74', 83') (MC Malsawmzuala 34', Lalmawizuala 38')

MoM: Vanlalthlamuana, Chawnpui FC

First half-ah team pahnih te an intluk tawk hle a, an innawr tawn zak zak hnuah Chhinga Veng FC chuan goal thunna hun tha nei hmasa zawk mahse, forward MC Malsawmzuala'n a hun tha neih a hmang tangkai thei lo. Chawnpu FC pawhin goal thunna hun the nei ve bawkin midfielder Lalnunmawia'n a hun tha neih a hmang tangkai thei bik lo.

Chhinga Veng FC chuan an hun tha neih hmang tangkaiin minute 4 chhungin goal hnih an khung. Goal hmasa zawk hi mual dinglam sir atanga Laldawngkima ball pek luh tha zet chu MC Malsawmzuala'n a tauh luh hnuah Chawnpui FC keeper Nunmawia tih sual nangchinin Lalmawizuala'n an goal hnihna a khung zui bawk.

Goal dang lut tawh lo in Chhinga Veng FC chuan 2-0 a hmahruaiin chawlhlawk an hmang dawn emaw tih hnu huntawp dawn minute 3 ala awmin box-ah Lalnunmawia ball pek fing tak chu Lalnunpuia (Bawihpuia) chuan goal-ah chantirin an siphurh an sut then a, Chhinga Veng FC chuan 2-1 a hmahruaiin chawlhlawk an hmang zui ta a ni.

Second half-ah Chawnpui FC forward Lalnunmawia'n freekick apet chu agoal dawn nia alan laiin goal kham a fuh hlauh. Chhinga Veng FC pawhin in goal thun belhna hun tha vawihnih an nei zui a, C. Muana leh MC Malsawmzuala shot tha zet chu Chawnpui FC keeper Nunmawia'n a dan sak.

Chanwpui FC chuan minute 74-ah an hun tha neih an hmang tangkai ta, Lalnunmawia thawhrah sengin Thlamauan an siphurh sutna goal a khung ta a ni. Chawnpui FC anphur thar counter attack-in annawr zui a, minute 83-ah Thlamuana bawk chuan freekick atangin goal a khung zui leh Chawnpui FC chuan 3-2 in hma an hruai ta a ni

Chhinga Veng FC an talbuai. Minute 87-ah defender Vanlalzuidika hnawh chhuah zui a ni a, an siphurh sut ngei tumin theihtawp chhuah mahse huntawp thlengin an siphurh an sut thei tawh lo a, Chawnpui FC chuan hnehna an chang ta a ni

October ni 29, Thawhlehni tlai dar 4:00-ah Chhinga Veng FC hian kai thar FC Venghnuai an hmachhawn ang a, zan dar 7:00-ah Chanwpui FC hian Ramhlun North FC an hmachhawn ang.

(adsbygoogle = window.adsbygoogle || []).push({});

Copyright © inkhel.com 2024. All rights reserved.