November ni 9, Zirtawpni zan Mc Dowell's No 1 Soda Mizoram Premier League (MPL) Season 7 Round 12 match hnuhnung ber Chawnpui FC leh Champion lai Chhinga Veng FC inkhelah Chhinga Veng FC chuan 3-1 in Chawnpui FC an hneh. He inkhelah hian Chhinga Veng FC forward MS Dawngliana chu Man of the match-ah thlan a ni.

Team pahnih te hi round 1-ah inhmachhawn tawhin Chhinga Veng hian 1-0 in anhneh a, an intawn vawihnihnaah pawh Chhinga Veng FC bawk an chungnung zawk. Chhinga Veng FC hian semifinal an lut chiang tawh a, point 26 neiin hmahruaitu an nih chhunzawm zel a ni. Chawnpui hian point 14 neiin parukna an ni mek a, semifinal khelh beiseina la nei mahse an tan kawng a bumboh hle tawh. Match hnih khelh hmabak la awmah hnehna chan ngei ngei an ngai tawh.

07:00 PM Chawnpui FC 1-3 Chhinga Veng FC

(Lalhlimpuia 79') (Jacob Lalrawngbawla 51', K Lalthlahlova 86', Getch Arthur Diamande 90+3')

MoM: MS Dawngliana, Chhinga Veng FC

Goal lut te hi second half-a lut vek an ni a, Chhinga Veng FC tan Jacob Lalrawngbawla, K Lalthlahlova leh foreigner forward Getch Arthur Diamande chuan goal khat theuh an khung a, Chawnpui FC tan Lalhlimpuia chuan goal khat a khung ve bawk.

First half-ah goal hlauhawm hmuh tur a tam lo a, team pahnih te midfiel-ah an in chaitawk hle. An innawr tawn zak zak a, Chhinga Veng chuan goal thunna hun tha nei hmasa zawkin Jacob Lalrawngbawla freekick chu Sawmzela chuan tha zetin tauh mahse, Chawnpui FC keeper Malsawma chuan a dan sak. Chawnpui FC pawhin goal thun ngei tumin an nawr ve bawk a, Vanrammawia Ngente, David Laltlansanga leh K. Roluahpuia te chuan hunawl an nei thei lo.

Firat half huntawp dawn 35-ah buaina a chhuak Chawnpui FC defender Lalruatfela leh Chhinga Veng FC defender Vanlalzuidika chu hnawh chhuah an ni. Chhinga Veng FC chuan injury time-ah goal thunna hun tha neiin Jacob Lalrawngbawla feekick tha zet box chhunga awm Vanlalchhuanga tauh chu Chawnpui FC keeper Malsawma chuan a dan sak a, goal lut awmlo in chawlhlawk an hmang zui ta a ni.

Second half tan a ni a, Chhinga Veng FC chuan nawr nghalin minute 51-ah an hun tha neih hmang tangkaiin Jacob Lalrawngbawla chuan freekick atangin mawi takin an hmahruaina a khung. Chhinga Veng FC chuan goal thun belhna hun tha nei zuiin box chhungah MS Dawngliana ball pek tha zet Lalromawia shot chu a goal dawn nia a lan laiin Chawnpui FC keeper Malsawma chuan a dan sak.

Chawnpui FC pawhin an siphurh sut ngei tumin an nawr let a, box chhung chiah a tang a Jerry F. Zonunsanga shot tha zet chu Chhinga Veng FC keeper T. Zothanmawia chuan a dan sak a, minute 79-ah Chawnpui FC chuan an hun tha neih hmang tangkaiin Vanlalthanga freekick tha zet chu Lalhlimpuia chuan mawi tak a tauh lutin an siphurh a sut. minute 7 aral leh hmain Chhinga Veng FC tan Hmingthanmawia ball vawrh luh tha zet chu box chhunga awm K. Lalthlahlova chuan mawi tak a tauh lutin an goal hnihna a khung zui nghal zat bawk. Chhinga Veng FC chuan nawr chhunzawmin huntawp dawn injury time-ah bench a tang a lut foreigner forward Getch Arthur Diamande chuan an goal thumna a khung leh a, hun a tawp zui nghal. Chhinga Veng FC chuan 3-1 in hnehna an chang ta a ni.

(adsbygoogle = window.adsbygoogle || []).push({});