14 Mar 2018 06:04

Inkhel

Mizo Sports Website hmasa ber

​Chhinga Veng Chhing zo reng an awm lo!

March ni 13, 2018 khan Suaka Memorial Cricket Stadium, Sihhmuiah Mapuia Cricket League 2018 khelh chhunzawm a ni a, match 14-naah Chhinga Veng CC chuan run 26-in Ramhlun Venglai CC an hneh.

Match 12 chhung hneh loh tawng lo Chhinga Veng CC leh Eliminator khelh ngei duh Ramhlun Venglai inkhelah toss-ah 3C te vannei zawkin vuak hmasak an thlang a, tunlai Batsmen form ber K. Vanlalruata (40) a rawn che tha leh pek hle.

Ruata hi Abhay Joshi (25) chuan a rawn thlawp that bawk avangin run siam harsatna pitch-ah 3C te hian over 20 ah wicket 6 hlohin run 129 an siam thei a ni.

Chak ngei ngei mamawh Ramhlun Venglai CC lamin bul an tan chhe hle a, top 3 batsmen-ah pahnih run siam lovin an out! Lalthakima (41) leh Robert Lalfamkima (19) ten sual let nasa mahse over 19 ah run 103 siamin an out ta vek a.

3C te chu run 26-a chakin Table-ah hnehloh nei lovin a chung berah an awm a, Ramhlun Venglai an chakloh avangin Kulikawn CC ten Eliminator an khelh theih phah dawn bawk a ni.

Match Summary

Toss: Chhinga Veng elected to Bat

Chhinga Veng: 129/6 (20)

K. Vanlalruata: 40

Abhay Joshi: 25

Ramhlun Venglai: 103/10 (19)

Lalthakima (41)

Gaurav Singh 13/3 (2)

Chhinga Veng win the match by 26 runs

M.O.M: K. Vanlalruata