Manchester United chuan Arsenal an khum a, Premier League club zingah anmahni chher chhuah player chhawr nasa ber an ni.
Tun hnaia an bih chiannaah Manchester United chu an academy atanga chhuak player chhawr tangkai hnem ber an nih thu an sawi a. United hian youth system mumal tak an kalpui chho a, kum thum chhung chu a zawnin Premier League player chher chhuak nasa ber an ni tawh a ni.
A zawna kum thum chhung Premier League player chher chhuak hnem ber an nih lai hian Arsenal chu mahni player chher chhuah chhawr nasat lamah an tluk lo thin a, tun tumah erawh an khum ve ta a ni.
2018-19 season chhung khan Manchester United academy chu an rawn langsar hle a, Carrington-a player an chher chhoh chu a hma zawng aia tam an chhawr a, hei vang hian a chungnung berah an awm theih phah a ni.
Season hman zawh takah khan player te chuan an inzir chhuahna club aiawha an khelh rei zawng an chhut chhuak a, United player zingah chuan Paul Pogba chu khel hnem ber niin, a inkhelh hun chhung chu minute 3,245 a ni a. Marcus Rashford chu pahnihna niin, minute 2,494 chhung a inkhel a, Jesse Lingard chu minute 1,765 chhung a inkhel bawk a ni.
Scott McTominay chuan minute 953 chhung a khel a, midfielder Andreas Pereira chuan minute 660 a khel bawk a. United hian an chher chhuah player te chu inkhelhna hun minute 9,334 an siamsak a. A hma season chhung khan an player chher chhuahte chu inkhelhna hun minute 6,858 an siamsak a, hun an pek zat hi a pung nasa hle.
Arsenal chuan anmahni chher chhuah player te chu inkhelhna hun minute 4,976 an pe a, a hmaa minute 7,933 an pek nen chuan an inthlau tawh hle a. Inhliam vangin Hector Bellerin chuan a khel tam thei lo a, Jack Wilshere pawh a chhuak ta daih bawk a. Heng bakah hian 2017-18 season-a an chhawr thin Francis Coquelin leh Hoffenheim lama loan-a kal Reiss Nelson te an chhawr zui loh vang pawh a ni pakhat.
Tun tumah hian a hmaa pakhatna thin Arsenal chu pasarihnaah an tlak phah a, north London club dang, an hmelma lian Tottenham Hotspurs chu an rawn kaisang viau thung a. Harry Kane, Danny Rose leh Harry Winks te chu Spurs tana khel hnem pawl an ni a, Kyle Walker-Peters, Oliver Skipp leh Luke Amos te inkhelh hun chhung belh khawm pawh minute 650 chu a tling ve a, a pumpuiah an club hi pahnihnaah an awm thei a ni.
Crystal Palace chu pathumnaah an awm a, an player chhawr rim tak mai Aaron Wan-Bissaka chu Manchester United hnenah an hralh tawh a, Wilfried Zaha pawh chhuak thei dinhmunah a ding mek a, hei vang hian a lehpekah chuan an dinhmun chu a hniam ve deuh turah a ngaih theih.
Declan Rice zarah West Ham United chu palinaah an awm thei a, Southampton leh Leicester City te pawh Arsenal chungah hian an awm thei bawk a. Saints hian Manchester United ang bawkin mahni chher chhuah 9 ngawt mai an chhawr a ni.
Manchester City Premier League champion ni mahse mahni chher chhuah hman tangkai kawngah chuan entawntlak an awm lo hle a, a mawng berah an awm a. Pep Guardiola pawlte hian league title an lakna kawngah Phil Foden chiah an chhawr a ni.
Club hrang hrangte player chhawr dan
1. Manchester Utd - 9,334 minutes
9 players:
Paul Pogba 3,245 minutes, Marcus Rashford 2,494, Jesse Lingard 1,765, Scott McTominay 953, Andreas Pereira 660, Mason Greenwood 131, Tahith Chong 46, Angel Gomes 34, James Garner 6
2. Tottenham - 6,887
6 players:
Harry Kane 2,591, Danny Rose 1,920, Harry Winks 1,723, Kyle Walker-Peters 405, Oliver Skipp 240, Luke Amos 8
3. Crystal Palace - 6,602
3 players:
Aaron Wan-Bissaka 3,361, Wilfried Zaha 3,237, Luke Dreher 4
4. West Ham - 6,344
4 players:
Declan Rice 3,212, Mark Noble 2,407, Grady Diangana 661, Ben Johnson 64
5. Southampton - 5,866
9 players:
James Ward-Prowse 2,098, Yan Valery 1,829, Matt Targett 1,272, Josh Sims 235, Michael Obafemi 157, Callum Slattery 126, Kayne Ramsey 97, Sam Gallagher 50, Tyreke Johnson 2
6. Leicester - 5,159
3 players:
Ben Chilwell 3,468, Harvey Barnes 1,063, Hamza Choudhury 628
7. Arsenal - 4,976
6 players:
Alex Iwobi 2,098, Hector Bellerin 1,644, Ainsley Maitland-Niles 1,065, Eddie Nketiah 86, Joe Willock 72, Bukayo Saka 11
8. Huddersfield - 3,771
5 players:
Phillip Billing 2,348, Tommy Smith 1,223, Matty Daly 82, Aaron Rowe 73, Demeaco Duhaney 45
9. Brighton - 3,376
1 player:
Lewis Dunk 3,376
10. Fulham - 3,176
3 players:
Ryan Sessegnon 2,473, Marcus Bettinelli 678, Harvey Elliott 25
11. Newcastle - 2,896
2 players:
Paul Dummett 2,165, Sean Longstaff 731
12. Liverpool - 2,600
2 players:
Trent Alexander-Arnold 2,598, Rafael Camacho 2
13. Chelsea - 2,202
3 players:
Ruben Loftus-Cheek 1,103, Andreas Christensen 670, Callum Hudson-Odoi 429
14. Cardiff - 2,118
1 player:
Joe Ralls 2,118
15. Watford - 2,070
1 player:
Adrian Mariappa 2,070
16. Everton - 1,959
2 players:
Tom Davies 1,094, Jonjoe Kenny 865
17. Burnley - 1,683
1 player:
Dwight McNeil 1,683
18. Wolves - 766
1 player:
Morgan Gibbs-White 766
19. Bournemouth - 654
3 players:
Jack Simpson 437, Mark Travers 195, Sam Surridge 22
20. Manchester City - 371
1 player:
Phil Foden 371