French defender Sylvain Distin chuan Everton-a a contract tawp hnuin Premier League-a team thar tur Bournemouth a zawm.

Kum 37 mi Distin hian kum khat daih tur contract a ziak a, Everton tan game 210 a khel hman.

Kum 2009 August thla khan Portsmouth chhuahsanin Everton-ah hian a lut a, kum 2008 khan Portsmouth hi FA Cup-ah a champion pui.

Manchester City-ahte pawh a khel tawh thin a, Paris Saint-Germain atanga lo chawr chhuak niin French club-a a awmlai hian Newcastle United-ah loan-in a khelchhuak bawk.

A team thar tur Bournemouth hian tun nipui transfer chhungin player thar paruk an lalut tawh a, tunkar hian pre-season training an tan dawn a Distin hian a zawm nghal ang.