​Chennai-ah Malsawmdawngliana che tha, B.Lalruatsanga vanduai

15th July 2015, 04:07AM

July 10th-12th a Chennai a neihzawh tak National Motorcycle Racing Championship-ah MiMSA affilated rider pahnih, B.Lalruatsanga leh Malsawmdawngliana te chu telin.

Malsawmdawngliana hian Suzuki Gixxer Cup , Race 1 leh Race 2 ah 2nd position ve ve a la a, Group D Novice stock Class 165cc-ah tel bawkin Race 1 ah 13th position hauhva, Race 2-ah 10th position a hauh pha a ni.

Suzuki Gixxer cup ah hian Suzuki company in an intlansiak na tur bike hi an thawh a, Group D lam vethung ah hi chuan mahni bike hman ngai chi a ni a, Malsawmdawgnliana hian Chennai Based team Mad Monkey Motomotive te zawmin anni hian bike an lo pe a ni.

Malsawmdawngliana hian Gixxer Cup-ah hian point 73 score tawhin championship standing-ah pathumna a hauh mek a ni.

B.Lalruatsanga hi Group C 165cc Open Class ah tel turin a chhuk thla ve a, Group C Class hi tunah hrih chuan National Level Motorcycle intlasiakna level sang ber a ni hrih. Ani pawh hian Mad Monkey Motomotive hi zu belin an bike a zu ring thla a mahse, duhthusamin thil a thleng ta lo tlat. Qualifying leh Race Practice atangin bike engine lamah harsatna liantham tak an tawh tak avangin race a tlan mumal ve thei ta lo a ni.

MiMSA in anni pahnihte hi an hlawhtlinnaah anlawmpui takzet a, an kal leh zelna turah duhsakna an hlan bakah , an harsatna tawhah an tawrhpui thu an tarlang bawk a ni.

photos & source : INFO BIKES

facebook.com/groups/InfoBikes/

Copyright © inkhel.com 2024. All rights reserved.