Inrinni zan Premier League inkhelah Chelsea chuan King Power Stadium-ah Leicester City an tlawha, team hnihte hi 2-2 in an inhnehtawka, point khat ve ve an hlawhchhuak.
He inkhelah hian mual neitu lam Leicester tan Harvey Barnes leh Ben Chilwell-te chuan goal an khunga, Chelsea tan hian German defender Antonio Rudiger chuan goal hnih a khung bawk.
Khelh 25-ah Leicester hian point 49 an hlawhchhuak tawha, 3-naah awm mekin Chelsea hian khelh 25-ah point 41 hlawhchhuak tawhin 4-naah an awm ve mek bawk a ni.
Leicester City 2-2 Chelsea
(Barnes 54’, Chilwell 64’) (Rudiger 46’, 71’)
Player Ratings
Leicester: Schmeichel (6), Pereira (7), Soyuncu (7), Evans (8), Chilwell (7), Barnes (7), Choudhury (7), Tielemans (7), Maddison (6), Perez (7), Vardy (6). Subs: Iheanacho (n/a), Praet (n/a).
Chelsea: Caballero (6), James (7), Rudiger (8), Christensen (7), Azpilicueta (6), Kante (7), Jorginho (6), Pedro (6), Mount (7), Hudson-Odoi (8), Abraham (7). Subs: Willian (6), Kovacic (6), Barkley (n/a).
Match report tawi
Team hnihte hian top 4-a an dinhmun sawh ngheh tum ve ve mahse an chak zo lo ve ve a, first half-ah Chelsea an khel tha zawka, chance pawh insiam hnem zawkin, Leicester pawh first half chhungin chance hlauhawm an nei ve bawk.
Chelsea hian second half tan tirah hma an hruaia, corner atanga ball vawrh luh chu Rudiger chuan goal-ah a lo tauh luta, Blues hma a hruaipui. Chelsea hian minute sawm pawh hma an hruai hman lova, Barnes chuan Leicester si phurh a sut zui nghal.
He inkhelah Chelsea manager Frank Lampard chuan an first choice goalkeeper Kepa Arrizabalaga chu bench-ah dahin second keeper Willy Caballero a khelh tira, darkar khat chuang hret khelh a nihin Cabelero-a tihsual chu Leicester hian hmang tangkaiin Chilwell chuan goal-a a khung zuia, Leicester hian hma an hruai. He goal luh danah hian a tirah Caballero hian tisual deuh mahse goal luh dan takah erawh a ti sual lem lo ni pawhin a ngaih theih awm e.
70mins-ah Chelsea hian veilamah, goal atanga hla taka free kick an hlawhchhuaka, free kick atang hian Mason Mount chuan ball vawrh lutin Rudiger nalh takin goal-ah a lo tauh lut leta, Chelsea si phurh a sut.
Chelsea-te inkhelh hnu lawk hian an hnuaia awm Manchester United leh Wolves an inhnehtawk ve leha, Chelsea hian top 4-a an dinhmun sawhnghehna hun tha tak an neih chu an bawhpelh a tih theih a ni.