Chelsea chuan Colombian striker Radamel Falcao chu Man Utd-ah hlawhtling lo mahse Stamford Bridge-ah a hlawntlin ringin Monaco atangin an hawh ve dawn ta. Falcao hlawh hi a tam em avangin permanent transfer chuan Chelsea hian an ngam bik lova, chuvang chuan tun season chhung chu loan-in an hawh ve leh dawn ta a ni.

Kum 29 mi Falcao chuan Chelsea nena an indawrna a pawm thu Mirror chuan a tarlang a, hetih lai hian Chelsea chuan season tawpah Falcao hi permanent transfer an neih pui dawn leh dawn loh chungchang an inremnaah hian an telh lo a ni. Kar khat chhungin Falcao hian £265,000 lai a hlawh avangin Permanent-a Chelsea-in an lalut dawn a nih chuan £30million chuang an sen a ngai dawn a, Falcao chuan Premier League-a inham tan zel a duh avangin a hlawh pawh tihhniam a hreh loh thu tarlan a ni bawk.

Engkim tihfel a ni tawh a,hetih lai hian Falcao chu Copa America khelin ram tan a feh chhuak mek, hei vang hian Copa America an khelh zawh veleh Falcao hian Chelsea official takin a zawm dawn a ni.