Chelsea chuan Yokohama nena an inremna a tawp hnuin contract an pawtsei lova, season thar atangin London club hian an jersey sponsor tu thar an nei dawn.

Chelsea hian Yokohama nena an inremna hi an titawp vek lova, Yokohama hian Chelsea jersey an sponsor tawh dawn lova, mahse Chelsea Official Tyre Partner an ni chhunzawm zel dawn.

Chelsea sponsor tu thar hi Three (3 tih pawha sawi an ni tho) an ni a, anni hi mobile phone network leh broadband internet provider niin United Kingdom bakah Hong Kong, Macau, Austriam Denmark, Indonesia, Ireland, Italy leh Sweden-ah te an inzar pharh nasa hle.

Chelsea leh Three-te hian kum thum atan contract an ziak phawta, hei hi a tul dan a zira pawhsei belh theih a ni dawna, an inremna zat hi tarlan ni lo mahse a tam thawkhat tih a chianga, chanchinbu mite chuan Premier League-a sponsorship lian ber ber te nen a inang thuak tih an tarlang.

Kum 2015 khan Yokohama leh Chelsea-te hi an inrema, hetih hunlai hian anni aia sponsorship lian hi Premier League-ah an awm lova, mahse hemi hnu hian Chelsea chu Manchester City, Manchester United, Liverpool leh Arsenal-te chuan an lehpela, tunah erawh Chelsea hian Liverpool leh Arsenal-te an lehpel ve leh tawh niin tarlan a ni bawk a ni.