Premier League inkhelah Chelsea chuan Stamford Bridge-ah tla fel tawh Norwich City an lo mikhuala, Chelsea hian hnehna an chang.

Chelsea hi French striker Olivier Giroud-a goal khat hmangin an chaka, top 4-a season khar an tumna kawnga inkhel pawimawh takah point 3 an hlawhchhuak.

Khelh 36-ah Chelsea hian point 63 hlawhchhuak tawhin, pathumnaah an awm chhunzawm zela, a zawna vawi riat tlawm tawh Norwich hian khelh 36-ah point 21 chiah la hlawhchhuakin, 20-naah an awm zel.

Khelh chhan tur nei tawh lo Norwich hi Chelsea lam hian an thiat hleithei lova, fist half 0-0 a a tawp mai dawna a lan hnuah Chelsea hian goal an khung; veilam atangin Christian Pulisic chuan goal hmazawnah ball a cross-a, Giroud chuan tauh lutin, goal pawimawh tak a khung.

Chelsea hian inkhel an thunun tluana, ball pawh chang tam zawkin, chance pawh insiam hnem hle mahse goal khat bak an khung thei lo.

Chelsea 1-0 Norwich

(Giroud 45+3’)

Player Ratings

Chelsea: Kepa 6, Azpilicueta 7, Rudiger 7, Zouma 6, Alonso 6, Kovacic 6, Jorginho 6, Loftus-Cheek 5, Willian 5, Giroud 7, Pulisic 6. Subs: Barkley 6, James 6, Hudson-Odoi 5, Abraham n/a.

Norwich: Krul 6, Aarons 6, Godfrey 5, Klose 5, Lewis 5, Tettey 5, McLean 5, Rupp 5, Cantwell 7, Hernandez 6, Drmic 4. Subs: Buendia 5, Stiepermann 5, Pukki 5, Idah 5, Martin n/a.