Chelsea defender Maren Mjelde chuan kum khat chhung atan Chelsea-ah contract a ziah belh a, Women’s Super League champion-ah season dawt leh tawp hun thleng a awm dawn.

Norway international hian kum 2016 khan Avaldsnes atangin Chelsea a zawm a, Emma Hayes-i pawlte hi  WSL title a lakpui nghe nghe. 

"Ka hlim khawp mai, Chelsea hi ka club a ni a, kum 6 leh a chanve lai ka cham tawh. Helai hmuna cham hi nuam ka ti a, hun rei tak chhung chu ka in a ni tawh. 

"Season dawt leh atan pawh ka phur tawh khawp mai,"tiin kum 33 mi hian club wedsite-ah a sawi.

"Season dang club tana hun a la hmang tur hi kan lawm a, khelmual chhung leh pawna hruaitu tha tak a ni. A experience leh a thatna hi club chuan kan mamawhin, kan chhawr tangkai takzet bawk.

"Kan hlawhtlinna kawnga mi pawimawh berte zinga mi a ni a, kan tan enge a la tih chhunzawm theih kan en zel ang,"tiin Chelsea Women general manager Paul Green chuan a sawi bawk.

May thla khan Chelsea chuan Reading hnehin, a zawna a vawi 4-nan Super League title an chawi leh a, FA Cup final-ah Manchester United hnehin tun season-ah trophy 2 an chawi.