Chelsea chuan tun season a game 11 an khelh tawhah game 5-ah lai an tlawm ta a, Chelsea team hi an talbuai lo a tih theih tawhloh a ni.
Champions League-a an game hmasaberah Maccabi Tel Aviv chu 4-0 laiin hneh mahse Porto lakah an tlawm zui lehnghal a, kum 2004 hnuah a vawikhatna atan Mourinho hi Portugal club lakah a tlawm veleh ta chauh a ni.
Chelsea manager hian inkhel chungchang hi sawiin game inhnehtawk tak a nih thu sawiin game an thunun chho dawn tan chauh a, goal an chhuah thu leh ho tak tak a tum hnih an tihsual chu an tuar ta niin a sawi bawk a ni.
Tun dinhmunah Chelsea hi tum 5 lai an tlawm tak avangin season kalta a an tlawm zah aia tam an tlawm tawh a, tunah hian goal 18 lai competition hrang hrangah chhuah tawh in season kalta kha chuan nikum Dec 10 khan goal 18 an chhuah tling ve chauh bawk a ni.
Chelsea hian tunkar tawp Inrinni hian Southampton an hmachhawn ang a, Oct 20 ah Champions League-ah Dynamo Kiev an hmachhawn leh dawn bawk a ni.