​Chelsea-in Griezmann lei tum

29th April 2015, 10:04PM

Atletico Madrid tan a season khatnaah French forward Antoine Griezmann hian goal 25 teh meuh mai a khung ta der mai, Player tha dap khawm Chelsea chuan Atletico Madrid  striker Diego Costa chu chhuhsak tawh mahse Griezmann pawh chhuhsak an la tum zel niin Mirror chuan a tarlang.

Griezmann hian Atletico Madrid-ah kum 2020 thleng contract a ziak a, buy-out clause pawh £43m vel lai a ni awm e, heti chung hian Chelsea chuan to tak pawh nise lei chhuah an tum dawn. Chelsea mai an ni lo, German Champions Bayern Munich pawhin kum 24 mi chauh a la nih avangin nakin huna Franck Ribery thlaktu atan an duh hle.

Simeone chuan a player tha tak tak an chhuhsak zo takngial dawn nia a lan avangin Griezmann hi hum a duh hle a, club hotute hnenah nghet zawka thlun behna tur ngaihtuah turin a nawr mek nia sawi a ni bawk. Chelsea hian tlar hnung leh a lai an nei tha hle. Chutih laiin Diego Costa a inhliam meuh chuan senior player Drogba bak hmachhuan tur an nei lo. Mourinho chuan season thara Europe-a thuneih a tum avangin team khawng tak din turin hmatawng a dap kual mek a ni.

Copyright © inkhel.com 2024. All rights reserved.