Nikumah an striker tha Diego Costa an chhuhsak tawh, kumin nipui bazarah hian Chelsea chuan Atletico Madrid chu an forward Antoine Greizmann laksak leh an tum dawn niin media te chuan an tarlang.

Thla hnih khat liamta khan Chelsea-in Griezmann an hel tih thuthang a awm a, hei hi Frenchman kum 24 mi Griezmann chuan a pha lo, heta tang hian Chelsea chuan Greizmann an ngaihven hle tih khawvelin a hria. Atletico Madrid-ah season khat pawh a hman tlin hmain competition hrang hrangah Atletico tan goal 27 lai a khung ta der mai.

Club lian te an rawn lan tak sek hnuah Atletico chuan an forward hi chelh chhunzawm zel an duh, chuvang chuan buy-out clause £43.5million hi san leh an la tum deuh deuh. Hetih lai hian a pawimawh ber pakhat chu player duhthlanna a ni a, Griezmann chuan Chelsea pan a hnial lo tih a agent Jorge Mendes chuan a sawi zauh mai. Ani hi tunlai player tha engemaw zat agent a ni mek a, tuna Chelsea manager Mourinho agent pawh hi a ni nghe nghe.

Chelsea leh Atletico Madrid te hi player ah an indawr chho zel a, Courtois chu Atletico-in loan-a an hawh hnuah Chelsea-ah koh kir leh a ni a, Tin, Chelsea hian Costa leh Luis te Atletico atangin an la tawh bawk. Griezmann pawh hi an lak leh mai rin a ni. Chelsea hian Liverpool winger Sterling chu Stamford Bridge-ah seng luh an tum nia thuthang a awm.

Chelsea hian Griezmann an lei a nih chuan Sterling hi an ngaihven a rinawm loh. Greizmann Chelsea-a a lut a nih chuan Oscar tan a pawi thei dawn niin a lang. Tun nipui bazar chu English club lian ten player an khawm nual dawn niin a lang.