England forward Fran Kirby chuan Chelsea-ah kum khat chhung atan contract thar a ziak leh. 

Kirby chuan kum 2021 khan kum 2 chhung atan contract thar a ziak a, kha a contract-ah khan thla 12 chhung pawhsei theihna a tel. 

Kum 2015 khan Reading atangin Blues hi a zawm a, game 175 a khelhah goal 110 khungin, Women’s Super League club’s leading scorer a ni nghe nghe.

Chelsea-a a cham chhung hian trophy 13 a hlawh chhuak tawh a, WSL title 5 leh FA Cup title 4 a tel.

Nipui hnuhnung bera European Championship champion England squad zingah khan Kirby chu a tel ve bawk a, a khup hliam avangin kumin World Cup erawh a khel thei lo.

Continental League Cup semi-final Chelsea-in an khelh tum pawhin a khup hliam avang hian a inlan lo a ni.

"Chelsea chuan kum 1 chhung atan forward Fran Kirby contract chu hlawhtling takin kan pawtsei thei a, kan lawm hle. Season dawt lehah Frank chu kan hmuh chhunzawm theih kan beisei," tiin Chelsea thuchhuah chuan a tarlang.