11 Sep 2019 12:23

bakteaJr.

Mizo tlangval

​Chelsea-in Drinkwater an hrem dawn lo

Burnley midfielder Danny Drinkwater chu tun hnai mai khan Manchester-a nightclub pakhat pawnah sawisak rawn a ni a, a mah pawh hian zu ruiin Burnley leh Chelsea lam hian an hrem dawn anga ziah ni mahse Chelsea hian an hrem dawn lo niin a lang.

He buaina a tawha, sawisak rawn a nih chungchangah English midfielder Drinkwater hi Chelsea chuan an hrem dawn lo tih Sky Sports chuan a tarlang.

Drinkwater hi tunah Burnley tan khel mahse Burnley hian tun nipui khan Chelsea atangin loan-in an hawha, Drinkwater hi Chelsea player la ni rengin, Burnley-ah a khel rih mai chauh a ni.

Drinkwater hi nightclub pawnah mi paruk velin an sawisa a, a hmai a dukin,a vung nasa hle a, pem pawh nei nualin, a ngal rek a ti na bawka, tunah hian enkawl mek niin kar eng emaw zat chhung a chawlh a ngai dawn.

Chelsea hian Drinkwater-a chanchin hi an ngaihven reng tih Sky Sports chuan a tarlanga, a dam that leh that loh te ngaihven viau mahse hrem zui an tum lova, Burnley kutah an dah niin Sky Sports chuan a tarlang tel bawk.

Thawhtanni khan Burnley manager Sean Dyche chuan Drinkwater hi a hmalam hun sawipui turin a kawma, an inkawmna chungchang hi puanzar la ni lovin, tun kar tawp lam hian puanzar a nih erawh a rinawm a ni.