Chelsea chuan Strasbourg atangin centre-back Mamadou Sarr an lak luh thu an puang.

January thla khan Mamadou Sarr chungchangah hian Chelsea leh Strasbourg te chu €14million (£11.9m; $14.4m)-in an inrem tawh a, nipui bazar inhawn huna transfer neih an rel.

France Under-20 international hian kum 8 chhung atan Stamford Bridge-ah contract a ziak a, kum 19 mi hi Enzo Maresca chuan Club World Cup-ah a hruai ve nghal dawn a ni.

Season liamta khan Sarr hian Strasbourg tan game 29 a khel ve a, league-ah 7-na niin, season tharah Strasbourg chuan Conference League an khel ve dawn a ni.

Sarr hian a naupan laiin Lens-ah hun a hmang thin a, kum 6 Lens-a hun a hman hnuah Lyon-ah kum 6 dang a hmang leh a, loan-in Belgian club Daring Brussels-ah a khel bawk.