Miss BumBum UK atana an lo thlan tawh Jessica Lopes chuan season chhunzawm hunah Chelsea in UEFA Champions League trophy an la a nih chuan a inphelh ruah vek tur thu a sawi.

Playboy model hlui, Houses of Parliament hmaah pawh a thawmhnaw lo phelh vek tawh Jessica Lopes hi Chelsea ngaisang em emtu a ni a. Frank Lampard kaihhruaina hnuaiah Europe khawmualpuiah an champion a nih chuan saruak veka inlan a tum thu hi a sawi a ni.

Jessica Lopes chuan, “Chelsea hi Champions League-ah an champion a nih chuan saruakin ka awm ang a, an club jersey hi thla ka lakpui ang. Engmahin min dang thei lo ang,” tiin a sawi.

Lopes hi camera hmaa thawmhnaw phelh lamah chuan a mikhual lo hle a, a hmain Playboy Portugal tih velah pawh kawr ha loin a lo inthehthil tawh thin a ni.

Brazilian model hian 2016 kumah pawh khan Chelsea star Willian pualin thla a lo la nual tawh a, a thlalak eng emaw zatah Chelsea jersey vel pawh a tilang tawh hlawm a ni.

Instagram lamah Jessica hian follower 175,000 a nei mek a, helamah pawh hian a taksa lang tam thei chi thawmhnaw a inbel lai thlalak a dah hnem hle.

2015 kumah khan a chhul cancer tihdam a ni a, hemi hnuah hian Britain lam a pan a, modelling lampang a luhchilh a. 2012 kumah khan Miss BumBum atan an thlang a, 2019 kumah pawh a tel ve leh bawk a ni.