27 Mar 2015 06:26

Inkhel

Mizo Sports Website hmasa ber

​Chelsea-ah kum khat dang cham tur Terry

Chelsea chuan an defender kum 34 mi John Terry chu kum khat dang atan contract an ziah pui leh a. Terry contract hi tun season zawh rual hian a tawp dawn, Chelsea chuan 2015-16 season atan contract an ziahpui leh ta a ni.

Chelsea captain hian a team chu Premier League champion ni turin hma fal takin a hruaipui mek a. Tunah hian midang aia an khel tlem zawk chung pawhin point 6 laiin an la fal.

Chelsea boss Jose Mourinho chuan,"A contract thar chungchangah hian Terry hian ka lawm lutuk e ti tur a ni lo. A la that em avang leh defender tha ber a nih avangin contract hi pek kan ni," tiin a sawi.

Mourinho khan Terry chungchang hmani deuha a sawi naah khan kum 30 chuang a nih tawh avangin contract an pe leh a nih pawhin kum khat te tein an pek tur thu a sawi a. Hei hi Chelsea kalphung a nih thu a sawi tel bawk a ni.

1998-a Chelsea a zawm atang khan Terry hian Trophy lian 13 lai chu Stamford Bridge-ah a hung ta a. Heng zingah hian Champions League, Europa League, Premier League pathum, FA Cup panga leh Capital One Cup pathum a tel a ni.