NEXA I-Day Celebration Football Tournament 2019 MPL Club pariat te inelna chu August ni 8, Ningani khan khelh chhunzawm a ni a, group B inkhel vawihnih awmin inkhel hmasa zawk Chawnpui FC leh Ramhlun North FC te chak zawk an awmlo a, inkhel hnuhnungah Chhinga Veng FC chuan 2-1 in FC Venghnuai an hneh.
12:00 PM Chawnpui FC 2-2 Ramhlun North FC
(Moody Lalawmpuia 42', Lalthanmawia Ralte 90+2'(P) (Jessy Vanlalmuana 5', Lalmawizuala 59')
Inkhel hmasa zawk Chawnpui FC leh Ramhlun North FC te chak zawk awmlo in 2-2 in an inhneh tawk a, point 1 ve ve an hlawh chhuak.
Chawnpui FC hian an match hmasa berah kai thar FC Venghnuai 4-3 in an hneh lo a, match hnih khel tawhin point 1 an nei mek a, semifinal lut turin an tan kawng a bumboh hle.
Ramhlun North FC hian an match hmasa berah Chhinga Veng FC nen chak zawk awmlo in 2-2 in an draw-a match hnih khel tawhin point 2 an nei mek a, semifnal luh beiseina anla nei bawk.
First half-ah goal hnih a lut a, second half-ah goal hnih a lut bawk. First half tan atanga minute 5-ah Ramhlun North FC tan Jessy Vanlalmuana'n anhmahruaina a khung chu huntawp dawn minute 3 ala awmin Chawnpui FC tan Moody Lalawmpuia chuan an siphurh a rul a, 1-1 a inhneh tawkin hun chanve an hmang zo.
Second half-ah Ramhlun North FC tan minute 59-ah Lalmawizuala chuan an goal hnihna khung mahse, huntawp dawn added time-ah Chawnpui FC chuan penalty an hlawh chhuak a, he penalty hi Lalthanmawia chuan goal-ah chantirin an siphurh a rul a, 2-2 a inhneh tawkin khelmual an chhuah san ta a ni.
02:15 PM Chhinga Veng FC 2-1 FC Venghnuai
(KC Larchhuakmawia 14', Sylvana R.Lalruatkima 16') (Vanlalthanga 23' (P)
Inkhel hnuhnung zawk Chhinga Veng FC chuan 2-1 a kaithar FC Venghnuai hnehin point 3 an hlawh chhuak. Chhinga Veng FC hian an match hmasa berah Ramhlun North 2-2 in an draw a, match hnih khel tawhin point 4 an nei mek. Group B hmahruaitu an ni a, semifinal luhna kawng a in hawng zau tawh hle.
FC Venghnuai hian an match hmasa berah Chawnpui FC 4-3 in an hneh a, match hnih bawk khel tawhin point 3 an nei a, semifinal lut thei dinhmunah anla ding ve bawk.
Goal lut te hi first half-a lut vek an ni a, Chhinga Veng FC chuan inkhel thunun nghalin minute 2 chhungin goal hnih an khung nghal. KC Larchhuakmawia chuan an hmahruaina a khung hnuah Sylvana R.Lalruatkima chuan an goal hnihna akhung zui nghal zat bawk.
FC venghnuai pawhin goal thun ngei tumin an nawr a, minute 23-ah penalty an hlawh chhuak hlauh. He penalty hi Vanlalthanga chuan goal-ah chantirin an siphurh sut then mahse, goal dang erawh an khung belh thei tawh lo a, Chhinga Veng FC chuan 2-1 in hnehna an chang ta a ni.
August ni 9, Zirtawpni Fixtures
12:00 PM Electric Veng FC Vs Mizoram Police FC
02:15 PM Chanmari FC Vs Aizawl FC
August ni 10, Inrinni Fixtures
12:00 PM Ramhlun North FC Vs FC Venghnuai
02:15 PM Chhinga Veng FC Vs Chawnpui FC
(adsbygoogle = window.adsbygoogle || []).push({});