22 Nov 2019 10:54

inkhel

​Chawnpui FC-in table mawngphah an chhuah san

Mizoram Premier League (MPL) Season 8 khelh mekah November ni 22, Zirtawpni zan round 13 match hnuhnung ber table parukna FC Venghnuai leh table mawngphah a awm Chawnpui FC inkhelah Chawnpui FC chuan 3-2 a FC Venghnuai hnehin point 3 anhlawh chhuak a, table mawngphah chhuah sanin MPL khelh zel beiseina an nei thar. He inkhelah hian Chawnpui FC forward Vanlalthlamuana chu Man of the match-ah thlan a ni.

Team pahnihte hi round 4-ah in tawngtawhin 1-1 in an inhneh tawk a, an intawn vawihnihnaah erawh Chawnpui FC an chungnung zawk. Chawnpui FC hian point 11 neiin table mawngphah an chhuah san a, November ni 29, Zirtawpni tlai dar 4:00-ah Mizoram Police FC nen an match hnuhnung ber an khel ang a, an dinhmun tur chinfel ani tawh ang. FC Venghnuai hian point 11 neiin parukna an nih chhunzawm a, relegate thei dinhmunah an ding ve mek. November ni 29, Zirtawpni zan dar 7:00-ah an match hnuhnung ber atan Electric Veng FC an hmachhawn ang a, an dinhmun tur chinfel ani tawh ang.

07:00 PM FC Venghnuai 2-3 Chawnpui FC

(Laldampuia 22', Vanlalthanga 47') (Vanlalthlamuana 15', 20', Lalnunpuia Tlau 83')

MoM: Vanlalthlamuana, Chawnpui FC

First half-ah goal thum alut a, second half-ah goal hnih a luhbelh bawk. Chawnpui FC tan (Vanlalthlamuana chuan goal hnih a khung a, Lalnunpuia Tlau chuan goal khat a khung ve bawk. FC Venghnuai tan Laldampuia leh Vanlalthanga chuan goal khat ve ve an khung bawk.

First half-ah minute 7 chhungin goal thum alut a, Chawnpui FC tan midfielder Larry Lalrinawma leh Defender Lalthlamuana thawrah sengin forward Vanlalthlamuana chuan an hmahruaina a khung hnuah forward Moody Lalawmpuia corner pet tha zet chu box chhunga awm Vanlalthlamuana bawk chuan pet goal-in an goal hnihna a khung zui leh bawk. FC Venghnuai pawhin an hun tha neih hmang tangkai ve bawkin forward Laldampuia chuan mual dinglam sir atangin an siphurh a sut then a, Chawnpui FC-in 2-1a hmahruaiin hun chanve anhmang zo.

Second half-ah FC Venghnuai insiam tha in annawr nghal a, minute 47-ah forward Vanlalthanga chuan goal mawibik hmangin an siphurh a rul a, 2-2 in an inhneh tawk rih. Team pahnihte hnehna chan zawk tumin an innawr tawn leh zak zak a, goal erawh an khung thei lo ve ve. Reife an innawr tawn zak zak hnuah Chawnpui FC chuan huntawp dawn minute 7 ala awmin FC Venghnuai keeper Lawmzuala tihsual nangchinin bench atanga lut forward Lalnunpuia (Bawihpuia) chuan an goal thumna a khung chu huntawp thlengin FC Venghnuai chuan an sut thei tawh lo a, Chawnpui FC chuan 3-2 in hnehna an chang zui ta a ni.

(adsbygoogle = window.adsbygoogle || []).push({});